Qazaqstan 1 trıllıon teńgege memlekettik baǵaly qaǵazdar shyǵarady
09:48, 14 Shilde 2020
NUR-SULTAN. QazAqparat – Ulttyq bank tóraǵasy Erbolat Dosaev ekonomıkalyq belsendilikti qoldaý maqsatynda qarjy naryǵyn damytýdyń qadamdaryn atady, dep habarlaıdy QazAqparat tilshisi.
«Investorlardy tartý jumysy jalǵasady. Ol úshin Qarjy mınıstrligimen birlesip 2020 jyly 1 jyldan 3 jylǵa deıingi sektorda jáne 2021-2022 jyldary 1 jyldan 5 jylǵa deıingi sektorda memlekettik baǵaly qaǵazdardy (MBQ) shyǵarýdy qamtamasyz etedi. 2020 jyldyń sońyna deıin turaqty negizde 1 trln teńgege deıingi kólemde qysqa merzimdi qaǵazdardy shyǵarýmen MBQ-ny shyǵarý kestesine tıisti ózgerister engizildi», - dedi Erbolat Dosaev.
Bul Qazaqstannyń memlekettik baǵaly qaǵazdaryn oblıgatsııalardyń halyqaralyq ındeksterine engizý jumysyn jalǵastyrýǵa múmkindik beredi.