Qazaqstan 1,5 myń júk vagonyn satyp almaqshy

NUR-SULTAN. QazAqparat – «Qazaqstan temir joly» 1,5 myń júk vagonyn satyp almaqshy. Bul týraly QR Indýstrııa jáne ınfraqurylymdyq damý mınıstri Qaıyrbek Óskenbaev Úkimet otyrysynda málim etti, dep habarlaıdy QazAqparat tilshisi.

«Otandyq vagon jasaýdy qoldaý maqsatynda óz elimizde shyǵarylǵan vagondardy satyp alýǵa kredıt bergende vagon operatorlary úshin syıaqy mólsherlemesin sýbsıdııalaý túrinde memlekettik qoldaý kórsetiledi. Osy baǵdarlama sheńberinde shamamen 3,5 myń fıtıngtik platforma jáne 2 myńnan astam júk vagony satyp alyndy. Sondaı-aq bıyl «Qazaqstan temir joly» 1,5 myń júk vagonyn satyp alýdy josparlap otyr», - dedi vedomstvo basshysy.

Sondaı-aq ol júk tasymaldaryn odan ári damytý úshin otandyq elektrovozdar (ALSTOM) men teplovozdardy (LKZ GE) satyp alǵanda syıaqy mólsherlemesin sýbsıdııalaýdy zańnamalyq túrde engizýdi usyndy.