Qazaqsha biletinder qazaqsha sóıleseıikshi - Taıjan

ASTANA. QazAqparat - Búgin elordada ekstremızm men terrorızmniń aldyn alý jáne onyń jolyn kesý máselelerine arnalǵan dóńgelek ústel otyrysy barysynda «Bolathan Taıjan» qorynyń prezıdenti Muhtar Taıjan áriptesterin qazaq tilinde sóıleýge shaqyrdy.

«Búgin - 22 qyrkúıek. Dál osydan 27 jyl buryn «Til týraly» Zań qabyldandy. Osynda otyrǵan bárimiz patrıottyq jaıynda aıtyp jatyrmyz. Ol durys, quptaımyz. Biraq, biz ózimizden bastap memlekettik tilge qurmet kórsetpesek, onda bizge qalaı senim artylmaq? Biz úlgi kórsetýge tıis emespiz be, aǵaıyn? Árıne, qazaq tilin bilmeıtinderge esh aıyp joq. Oryssha túsinemiz. Alaıda, qazaqsha biletinder qazaqsha sóıleseıikshi. Elordanyń, qazaq eliniń astanasynyń tórinde otyrmyz. Úlken deńgeıdegi jıyn ótýde. Nege ózimizdiń memlekettik tilimizde sóılemeımiz?», - dedi ol dóńgelek ústelge qatysýshylarǵa qarata.