Qazaqsha ádebı shyǵarmalar jazatyn jastardyń qalamaqysy artady
Bul týraly búgin Senatta Mádenıet jáne sport mınıstri Arystanbek Muhamedıuly málim etti, dep habarlaıdy QazAqparat.
«Biz qazirgi kezde kitaptardy shyǵaryp jatyrmyz, avtor bólgen qarajattyń 10 paıyzyn alady. ıAǵnı avtorǵa 300-450 myń teńge kóleminde tıesili bolady. Sol sebepti jazýshylyqpen aınalysý tıimsiz. Ol kitapty shamamen 5-6 jyl jazyp, nátıjesinde alatyn eńbekaqysy 350 myń teńgeni qamtıdy. Nege dúken sórelerinde qazaq avtorlarynyń kitaby joq? Shynynda, qazir syıly ári qurmetti aǵalarymyz jazyp jatyr, al jastardyń asa yntasy joq. Óıtkeni 350 myń teńge somasyndaǵy qalamaqy tym az»,-dep túsindirdi mınıstr «Qazaqstan Respýblıkasynyń keıbir zańnamalyq aktilerine mádenıet máseleleri boıynsha ózgerister men tolyqtyrýlar engizý týraly» zań jobasyn talqylaý kezinde.
Onyń sózine qaraǵanda, osy zań jobasyna baılanysty mańyzy bar qajetti ádebıetterge tapsyrys beriledi. Bul turǵyda qalamaqy máselesi múldem basqasha retteledi, ıaǵnı ony qoǵamdyq keńes sheshedi. Keńes quramyna depýtattar, qoǵam qaıratkerleri kiredi.
«Zań jobasy aıasynda qalamaqy máselesi sheshilse, árıne jazýshylardyń jaǵdaıy múldem basqasha bolady. Olardyń eńbekaqysy edáýir jaqsarar edi»,-dedi Muhamedıly.