Qazaqstannyń ulttyq brendi — aport almasy qaıta jańǵyrtylmaq
Oǵan QR Aýyl sharýashylyǵy vıtse-mınıstri Erbol Tasjúrekov, Almaty oblysy ákiminiń orynbasary Nurjan Qudaıbergenov, ǵylymı-zertteý ınstıtýttarynyń jetekshileri, agrobıznes ókilderi, Túrkııa, Polsha jáne Bolgarııadan kelgen ǵalymdar qatysty.
Prezıdent tapsyrmasy boıynsha Qazaqstanda ulttyq brend — aportty qaıta jańǵyrtý sharalary qabyldanyp jatyr.
«Qazaqstan Respýblıkasy Ulttyq ǵylym akademııasynyń prezıdenti Aqylbek Kúrishbaev „Talǵar“ fılıalynda 5 gektar jerge Almaty aporty men Qan qyzyl aporty sorttarynyń analyq kóshetteri otyrǵyzylǵanyn habarlady. Kóshetter aporttyń 115 klonynan dámdik qasıetteri men aýrýǵa tózimdiligine qaraı iriktelgen. Sonymen qatar, genetıkalyq taldaý arqyly aportpen úılesimdi Sıvers jabaıy almasy sorttary iriktelip, tuqymdyq baq salyndy», — delingen habarlamada.
Eskerte keteıik, 2023 jyly Qazaqstanda 251,5 myń tonna alma ósirildi, onyń 98,5 myń tonnasy ımporttalǵan. Ónerkásiptik baqtarda 194,1 myń tonna alma ósirildi. Tek osy jyldyń alǵashqy jartysynda 94 myń tonna alma ımporttalǵan.
Aýyl sharýashylyǵy vıtse-mınıstri Erbol Tasjúrekov jemis-jıdek sharýashylyǵyn damytýdyń eldiń azyq-túlik qaýipsizdigi men ekonomıkasy úshin mańyzy zor ekenin atap ótip, baǵbandardy qoldaý sharalary týraly aıtty.
Іs-sharaǵa qatysýshylar jemis-jıdek sharýashylyǵy salasyn damytý josparlary men perspektıvalary, atap aıtqanda, aportty qaıta jańǵyrtý jáne saqtaý týraly habardar boldy, sondaı-aq ónimniń ekologııalyq qaýipsizdigin jáne topyraq qunarlylyǵyn qalpyna keltirýdi eskere otyryp, jemis-jıdek daqyldaryn ósirýdiń perspektıvaly tehnologııalary boıynsha ǵylymı-praktıkalyq usynystar aldy.