QazAqparatqa 95 jyl: Abaı álem halyqtaryn dostyqqa shaqyrady
Bizdiń respýblıkamyzǵa Abaı mereıtoıynyń saltanatyna kelgen Ázerbaıjannyń Prezıdenti Geıdar Álıevti, ıÝNESKO-nyń Bas dırektory Federıko Maıordy, BUU Bas hatshysynyń arnaýly ókili Samır Sanbardy, Ózbekstannyń Premer-mınıstri Abdýlhashım Mýtalovty, Reseı Federatsııasy úkimeti tóraǵasynyń orynbasary ıÝrıı ıArovty jáne Qyrǵyzstannyń Prezıdenti Asqar Aqaevty tamyzdyń 9-ynda Prezıdent Nursultan Nazarbaev qabyldady.
Kezdesýler barysynda mártebeli meımandar qazaqtyń uly gýmanıst-aqyny, oıshyly ári fılosofy qaldyrǵan muranyń halyqtar arasyndaǵy baılanystardy keńeıtýde mańyzynyń zor ekenin atap ótti. Sondaı-aq bizdiń memleketterimizdiń ózara tıimdi ekonomıkalyq yntymaqtastyǵyn odan ári damytýdyń máseleleri kóterildi.
Kezdesýden soń jýrnalıstermen suhbattasqan G. Álıev, buryn Qazaqstan men Ázerbaıjannyń arasynda berik sharýashylyq baılanystary bolǵanyn, Ázerbaıjan jaǵynyń qazir de olardy qalpyna keltirýge ázir ekenin aıtty.
F. Maıor Abaıdyń Qazaqstan tarıhynda jańa kezeńdi bastap bergenin málimdedi. Onyń murattary men oılary oıshyl adamdy qalyptastyrýdyń negizi retinde qaralady, adamnyń boıynda izgi qasıetterdi uıalatyp, zııalylyq pen jarasymdylyqqa shaqyrady.
Sondyqtan da Abaıdyń ulylyǵy daýsyz.
S. Sanbar óz kezeginde Tájikstandaǵy jáne burynǵy ıÝgoslavııadaǵy janjaldardy retteýde bizdiń Elbasymyzdyń bitimgershilik róli Birikken Ulttar Uıymynda oń baǵalanyp otyrǵanyn, sóıtip uly Abaıdyń dostyq pen beıbitshilik týraly ósıetterin Qazaqstannyń júzege asyryp otyrǵanyn atap kórsetti.
Máskeý men Sankt-Peterborda, Reseıdiń basqa da aımaqtarynda Abaıdyń mereıtoıy saltanatpen atap ótildi, dep málimdedi ıÝ.ıArov. Kóptegen reseılikter onyń shyǵarmasymen baıaǵydan tanys, sondyqtan da qazaq halqynyń uly perzentin tarıhtaǵy asa kórnekti oıshyldarmen bir qatarǵa qoıady.
(QazTAG)