QazAqparatqa 100 jyldyq mereıtoıyna oraı qazaqstandyq noýtbýk syılandy
2020 jyly «QazAqparat» halyqaralyq aqparattyq agenttigi óziniń 100 jyldyǵyn atap ótti. Jańa jyl qarsańynda QR Prezıdenti janyndaǵy Ortalyq kommýnıkatsııalar qyzmeti alańynda S.M. Kırov atyndaǵy zaýyt QazAqparattyń mereıtoıyna oraı zaýyttyń ózinde shyǵarylǵan noýtbýk syılady. Zaýyt Soltústik Qazaqstan oblysynda ornalasqan jáne joǵary dáldiktegi tehnologııalyq ónimder shyǵarady.
QR Prezıdenti janyndaǵy Ortalyq kommýnıkatsııalar qyzmeti barlyq BAQ ókilderin jáne qazaqstandyqtardy kele jatqan 2021 jylmen shyn júrekten quttyqtady. Jyl basynda epıdemıologııalyq ahýaldyń nasharlaýyn eskere otyryp OKQ baspasóz sharalaryn onlaın formatty engizgenin atap ótken. Halyqty tolǵandyratyn taqyryptar boıynsha ótetin brıfıngiler men baspasóz konferentsııalaryn uıymdastyrý tásilderi túbegeıli ózgerdi. Azamattar eń tanymal aqparattyq arnalardan kún saıyn elde bolyp jatqan mańyzdy jáne ózekti oqıǵalar týraly jedel jáne senimdi aqparat aldy.
Ortalyq kommýnıkatsııalar qyzmeti alańynda ótken 366 baspasóz sharasy nátıjesinde buqaralyq aqparat quraldarynda 200 myńnan astam materıal jarııalandy. Ártúrli baǵytta 57 sarapshymen brıfıng ótkizildi. ZOOM platformasyndaǵy baspasóz konferentsııasynyń jańa formaty engizildi. Jýrnalıster tarapynan 10 myńnan astam suraq qoıyldy.