«QazAqparat» zamanaýı, bolashaqqa umtylǵan agenttik - Armenpress Bas dırektory

EREVAN. QazAqparat - Armenpress agenttiginiń Bas dırektory Aram Ananıan «QazAqparat» aqparat agenttigin 100 jyldyq mereıtoıymen quttyqtady.

«Qymbatty dostar, qurmetti áriptester! «Armenpress» memlekettik aqparattyq agenttiginiń jáne ózimniń atymnan sizderdi 100 jyldyq mereıtoılaryńyzben shyn júrekten quttyqtaımyn. 100 – jyl, bul árbir agenttiktiń, sonyń ishinde «QazAqparat» ómirindegi eleýli kezeń.

Qazaqstannyń jańa tarıhynyń shejireshisi jáne zamandasy bolý – óte qıyn, qurmetti mindet. Biraq odan da qurmetti mindet bar. Ol – eldiń búgini men bolashaǵy týraly baıandaıtyn jýrnalıstik mıssııa. Bul sizderdiń bolashaqqa baǵyttalǵan mıssııańyz», - dedi Armenpress agenttiginiń bas dırektory.

Ol «QazAqparattyń» zamanaýı, myqty, bolashaqqa umtylǵan agenttik ekenine qýanatynyn jetkizdi.

«Aramyzda burynnan kele jatqan tarıhı baılanys bar. Bizdi júzdegen jaǵdaı baılanystyrady, al aqparattyq keńistigimizdi damytý úshin áleýetimiz joǵary dep oılaımyn.

Búkil ujym, barlyq «qazAqparattyqtarǵa», qazirgi kezde jumys istep júrgen bárine, agenttiktiń ardagerleri, bolashaq urpaqqa jańa shyǵarmashylyq tabys, densaýlyq, baqyt tileımin, jáne bul kúrdeli kezeńnen ótken soń, sizderdi Qazaqstanda mereıtoılaryńyzben quttyqtaı alatynymyzǵa shyn úmittenemin. Tek jaqsylyq pen sáttilik tileımin! Mereıtoılaryńyzben taǵy quttyqtaımyn», - dedi A.Ananıan