«QazAqparat» ujymy ushaq apatynan qaza bolǵandardyń týǵan-týystaryna kóńil aıtady
12:55, 27 Jeltoqsan 2019
NUR-SULTAN. QazAqparat – «QazAqparat» Halyqaralyq aqparat agenttiginiń ujymy Almatydaǵy ushaq apatynan qaza bolǵandardyń týǵan-týystaryna qaıǵyryp kóńil aıtady. Qaıǵyly apattan zardap shekken jandardyń tezirek saýyǵyp ketýin tileımiz.
Qazaqstan halqyn tańerteńgi qaraly jańalyq eseńgiretip tastady. Almatynyń densaýlyq saqtaý basqarmasy qazirge deıin apat 15 adamnyń ómirin qıyp ketkenin habarlady. Kóz jumǵandardyń qatarynda 1984 jyly dúnıege kelgen «Informburo» ınternet-portalynyń shyǵarýshy redaktory Dana Krýglovanyń da bary jarııalanyp otyr. Áriptesimizdiń týǵan-týystary men ujymyna kóńil aıta otyryp, qaıǵyǵa ortaq ekenimizdi bildirgimiz keledi.