QazAqparat Tonykók jylynyń ashylýyna oraı ótetin onlaın vıdeokonferentsııany kórsetedi

NUR-SULTAN. QazAqparat - Bıyl túrki álemi tarıhyndaǵy daryndy memleket qaıratkeri Bilge, Tonykók eskertkishiniń 1300 jyldyǵy ıÝNESKO deńgeıinde atalyp ótiletini belgili. Osyǵan oraı búgin Halyqaralyq Túrki akademııasy «Tonykók jylynyń» resmı ashylýyn jarııalap, «Uly dala órkenıeti: Tonykók mırasy jáne qazirgi túrki álemi» atty halyqaralyq onlaın vıdeokonferentsııa ótkizedi. Onlaın-konferentsııany «QazAqparat» halyqaralyq aqparat agenttiginiń Facebook-tegi paraqshasynan jáne ıÝtýb-kanalynan kóre alasyzdar.

Onlaın formatta ótetin konferentsııaǵa ıÝNESKO, Túrki keńesi, Tıýrksoı, TúrkPA uıymdarynyń basshylyǵy men ókilderi, túrki tildes elderdiń akademııa basshylary jáne AQSh, Ázerbaıjan, Vengrııa, Germanııa, Qazaqstan, Qyrǵyzstan, Mońǵolııa, Reseı, Ózbekstan jáne Túrkııa elderiniń tanymal túrkolog ǵalymdary qatysady.

Alqaly jıyn barysynda Tonykók eskertkishi mátininiń Halyqaralyq Túrki akademııasy ázirlegen arnaıy jınaǵy tanystyrylady. Biregeı basylymǵa atalǵan eskertkish mátininiń álemniń 12 tilindegi aýdarmasy toptastyrylyp, ǵylymı transkrıptsııasy qosa berilgen.

Aıta ketý kerek, ótken jyly Halyqaralyq Túrki akademııasynyń bastamasymen jáne Ázerbaıjan, Qazaqstan, Qyrǵyzstan, Túrkııa jáne Mońǵolııa memleketteriniń ortaq usynysy negizinde 2020 jyly Tonykók jazba eskertkishiniń 1300 jyldyǵyn ıÝNESKO aıasynda atap ótýge resmı sheshim qabyldanǵan edi.