QazAqparat sarapshysy «Qurmet» ordenine ıe boldy

NUR-SULTAN. QazAqparat – «QazAqparat» halyqaralyq aqparat agenttiginiń analıtıgi, tájirıbeli jýrnalıst Muratbek Maqulbekov «Qurmet» ordeniniń ıegeri atandy, dep habarlaıdy QazAqparat tilshisi.

«Eki kún buryn biz buqaralyq aqparat quraldary qyzmetkerleriniń kúnin atap óttik. Soǵan baılanysty áriptesimiz Muratbek Maqulbekovti arnaıy «Qurmet» ordenimen marapattaý úshin jınalyp otyrmyz. Muratbek aǵamyz 2005 jyldan beri «QazAqparat» sapynda jumys istep keledi. Osy ýaqyt aralyǵynda jas býynǵa kásibıliktiń teńdessiz úlgisin kórsetti. Osy eńbegi eskerilip, búgin «Qurmet» ordeni tabystalyp otyr», - dedi QR Prezıdenti Teleradıokesheni bas dırektorynyń orynbasary Tilegen Ábishev.

Muratbek Maqulbekov 1992 jyldan beri jýrnalıstıka salasynda eńbek etip júr.

Al «QazAqparat» halyqaralyq aqparat agentiginiń orys redaktsııasynyń sapynda 2005 jyldan beri jumys isteıdi.

Tájirıbeli áriptesimiz oqyrman qaýymǵa óziniń taldaý materıaldarymen, mazmundy suhbattarymen tanymal.

Aqparat salasynyń saqa mamanyn «QazAqparat» ujymy mártebeli marapatymen quttyqtaıdy.