QazAqparat qyzmetkeri «Táýelsizdik urpaqtary» grantyn jeńip aldy

NUR-SULTAN. QazAqparat - «QazAqparat» HAA qyzmetkeri Rýslan Jubanysh «Táýelsizdik urpaqtary» grantyn jeńip aldy. Grantty búgin Aqordada Memleket basshysy Qasym-Jomart Toqaev tabys etti, dep habarlaıdy QazAqparat tilshisi.

«Óskeleń urpaq aǵa býynnyń úmitin aqtaıtyndyǵy sózsiz. Sol úshin árbir jas boıyna tek jaqsy qasıetterdi sińirýi kerek. Árdaıym bilimge qushtar, eńbekqor bolý qajet. Jasampaz, otanshyl ári ultjandy jastar ǵana elimizdi órkendete alady. Men sizderdi bolashaqta kásibı maman, óz isiniń naǵyz maıtalmany bolady dep senemin. Barshańyzǵa zor densaýlyq, tolaǵaı tabys tileımin», - dedi Memleket basshysy «Táýelsizdik urpaqtary» grantyn saltanatty tabystaý is-sharasy barysynda.

Aıta keterligi, grant bes baǵyt boıynsha 30 jasqa beriledi. Ár granttyń quny úsh mıllıon teńgeden. QazAqparat qyzmetkeri Rýslan Jubanysh «mádenıet» baǵytynda «Taueldisiz» is-sharasy jobasyn uıymdastyrǵany úshin grantqa ıe bolyp otyr.