«QazAqparat» HAA shef-redaktory Rızabek Núsipbek «Nur Otan» partııasynyń «Otbasymnyń tarıhy» baıqaýynyń jeńimpazy atandy

ASTANA. QazAqparat - «Nur Otan» partııasynyń «Otbasymnyń tarıhy» baıqaýynyń jeńimpazdary anyqtaldy. "QazAqparat" halyqaralyq aqparattyq agentiginiń Arab-qytaı redaktsııasynyń shef-redaktory Núsipbek Rızabek Feısbýktegi úzdik jazbanyń avtory bolyp tanyldy.

Qazylar alqasy sondaı-aq Vkontakte jelisindegi úzdik jazbanyń avtory Irına Oleınık jáne Instagramdaǵy úzdik sýrettiń avtory oraldyq Gordeı Trıshenkov degen qorytyndyǵa keldi. Bul týraly «Nur Otan» partııasynyń saıtynda jarııalandy.

Jeńimpazdar CANON EOS 650D fotoapparatyna ıe bolmaq.

Aıta keteıik, Otbasy kúni men partııanyń otbasy ınstıtýty men otbasylyq qundylyqtardy nyǵaıtýǵa baǵyttalǵan «Baqytty otbasy» jobasy aıasynda qolǵa alynǵan konkýrs tamyzdyń 26-nan bastap qyrkúıektiń 9-na deıingi kezeńde ótkizildi. Konkýrsqa joldanǵan jazbalar men sýretter arasynan 60 shyǵarma qarastyryla kele, ár nomınatsııa boıynsha 5 avtor aqtyq kezeńge jiberildi. Qazylar alqasy osylardyń arasynan jumystaryn Feısbýk, Vkontakte jáne Instagramda jarııalaǵan úsh avtordy jeńimpaz dep tapty.

Baıqaý áleýmettik jelilerde qyzý qoldaýǵa ıe bolyp, Qazaqstannyń túrli qalalarynyń turǵyndary - túrli maman ıeleri, túrli jastaǵy adamdar Facebook, VKontakte, Instagram paraqshalarynda #otbasy heshtegimen jazbalaryn jarııalady. Qatysýshylardyń otbasylyq tarıhy [e-mail] elektrondy poshtasyna da kelip tústi. Kelip túsken shyǵarmalar janrynyń alýandyǵy baıqaýǵa qyzyǵýshylyqtyń joǵary bolǵanyn kórsetedi. Taqyrypqa qatysty dúnıeler esse, óleń, fotoreportaj, beınerolıkter túrinde joldandy.