«QazAqparat» HAA» AQ birqatar jýrnalısi Prezıdenttiń alǵys hatymen marapattaldy

NUR-SULTAN. QazAqparat – «QazAqparat» HAA» AQ birqatar jýrnalısi QR Prezıdenti Qasym-Jomart Toqaevtyń alǵys hatymen marapattaldy, dep habarlaıdy QazAqparat tilshisi.

Atap aıtqanda, «QazAqparat» agenttigi qazaq redaktsııasynyń tilshisi Rýslan Ǵabbasov, «BAQ.KZ» aqparat agenttiginiń tilshisi Aıagóz Qurmasheva, «STRATEGY 2050» aqparat agenttiginiń shyǵarýshy redaktory Saltanat Suraǵanova Prezıdent alǵysyna ıe boldy. Munan bólek, «QazAqparat» HHA mýltımedııalyq kontent bóliminiń basshysy Dýlat Nýrkın de Prezıdent alǵysyn alǵan edi.

Sonymen qatar Memleket basshysy qoǵamdyq-saıası, áleýmettik-ekonomıkalyq jáne mádenı-gýmanıtarlyq salalardy aqparattyq jarııalap-kórsetýge qosqan erekshe úlesi úshin «QazAqparat» halyqaralyq aqparat agenttiginiń shyǵarmashylyq ujymyna da alǵys jarııalaǵan bolatyn.

Aıta keteıik, 2020 jyly QazAqparat pen Qazkontent qosylǵan bolatyn. Qazir «QazAqparat» AQ quramynda «QazAqparat» halyqaralyq aqparat agenttigi, baq.kz aqparattyq portaly, baigenews.kz aqparat agenttigi, el.kz tanymdyq portaly, kaztube.kz ulttyq vıdeoportaly, e-history.kz tarıh portaly, adebiportal.kz ádebıet portaly, Strategy2050.kz analıtıkalyq portaly, Premer-mınıstrdiń primeminister.kz saıty bar. Bıyl agenttikke 100 jyl tolady.