«QazAqparat» Ekinshi Dúnıejúzilik soǵys jyldary Avstrııa aýmaǵynda qaza tapqan qazaqstandyq jaýyngerler týraly Estelik kitabynan tizimderdi saıtqa ornalastyrýdy aıaqtaıdy

ASTANA. Sáýirdiń 30-y. QazAqparat - «QazAqparat» Ulttyq kompanııasy Venada tanystyrylymy ótken «1941-1945 jyldary Avstrııa aýmaǵynda qaza tapqan qazaqstandyq jaýyngerler týraly Estelik kitabynan» tizimderdi alǵash ret jarııalap otyr.

Estelik kitabynda 1000 jaýyngerdiń aty-jóni men basqa da málimetteri qazaq jáne nemis tilderinde berilgenin QazAqparat budan buryn habarlaǵan bolatyn. Búgin saıtqa orys tiline aýdarylǵan málimetter de tolyq ornalastyrylady.

Tizimmen tanysý úshin agenttik saıtynyń negizgi betine ornalastyrylǵan (www.inform.kz ) «Avstrııada shaıqasqan jáne qaza tapqan qazaqstandyq jaýyngerlerdiń tizimi» degen bannerdi basý kerek.

Bul Uly Jeńistiń 65 jyldyǵy jáne «QazAqparat» ulttyq kompanııasynyń 90 jyldyǵy aıasynda júzege asyrylyp otyrǵan jobalardyń biri. «QazAqparat» ujymy Uly Otan soǵysynyń batyrlaryn eske alý jáne Jeńistiń 65 jyldyǵyn atap ótý jónindegi sharalarǵa óz úlesin osylaısha qosyp otyr.