QazAqparat agenttigine «Parlament sózi» arnaıy syılyǵy berildi
Bıyl parlamenttik syılyq altynshy ret tapsyrylyp otyr. Bıyl músinsheniń dızaıny ózgertildi. Jańa músin móldir áınekten jasalǵan. Bul Májilistiń ashyqtyǵyn jáne munda qabyldanatyn barlyq sheshimderdiń jarııalylyǵyn bildiredi.
Májilis tóraǵasy Erlan Qoshanov «Parlament sózi» syılyǵynyń jeńimpazdaryna, sondaı-aq barsha buqaralyq aqparat quraldary ókilderin kásibı merekemen quttyqtap, búginde Májilis jumysy ashyqtyqqa negizdelgenin aıtap ótti.
«Prezıdent bastaǵan «Jańa Qazaqstannyń» basty prıntsıpi de – ashyqtyq. Biz ony jaqsy túsinemiz. Al ashyqtyq pen jarııalylyqtyń negizgi ol, árıne – buqaralyq aqparat quraldary. Halyq pen bılik arasyndaǵy kópir sizdersizder. Bul – jaýapkershiligi mol, biraq abyroıly mindet», - dedi palata spıkeri.
«Úzdik baspa jarııalanymy úshin» nomınatsııasynda «Egemen Qazaqstan» gazetiniń tilshisi Abaı Otar men «Vremıa» gazetiniń tilshisi Toǵjan Ǵanı jeńimpaz atandy.
«Úzdik televızııalyq sıýjet úshin» nomınatsııasynda «Habar 24» telearnasynyń tilshisi Nazerke Sultanqulova men «ASTANA» arnasynyń tilshisi ıAna Gladkova marapat aldy.
«Úzdik beıne-sýret materıaly úshin» syılyǵy «Qazaqstan» telearnasynyń operatory Sovethan Jaǵıev pen «Informburo.kz» fotografy Gerard Stavrıanıdıge tabystaldy.
«Úzdik ınternet jáne radıo materıaly úshin» nomınatsııasynyń ıegeri – Qazaq radıolarynyń «Parlament saǵaty» baǵdarlamasynyń avtory Almas Baıdrahmanov, «Tengrinews.kz» ınternet-resýrsynyń tilshisi Meıirim Smaıyl, «Baq.kz» aqparat agenttiginiń bas redaktory Erjan Jaýbaı.
«Arnaıy reportaj» nomınatsııasynda QR Prezıdentiniń Teleradıo kesheniniń qoıýshy rejısseri Sáýle Kómekbaeva jáne «Eýrazııa» birinshi arnasynyń prodıýseri Gúlfarıza Ramazanova jáne «Azattyq rýhy» agenttiginiń tilshisi Krıstına Grınko úzdik dep tanyldy.
Sonymen birge «Parlamenttik jýrnalıstıkany damytýǵa qosqan úlesi úshin» «Aıqyn» gazetiniń bas redaktory Amankeldi Qurmet pen «TDK – 42» arnasynyń tilshisi Áselim Ábildınova marapattaldy.
«Parlament sózi» arnaıy syılyǵy «QazAqparat» halyqaralyq aqparat agenttigi men «31 arna» telearnasyna berildi.
Eske sala keteıik, jýrnalısterge arnalǵan «Parlament sózi» syılyǵynda 2016 jyldan beri 69 laýreattyń esimi anyqtaldy. Bıyl 7 nomınatsııa boıynsha taǵy 16 jeńimpaz marapattaldy.