Qazaqmystyqtar Balqash pen Jezqazǵanda 2 myń aǵash pen kóshet otyrǵyzdy

ASTANA. QazAqparat - «Qazaqmys» korporatsııasy» JShS qyzmetkerleri Balqash pen Jezqazǵanda eki myń úıeńki men qaraǵash otyrǵyzdy, dep habarlaıdy QazAqparat tilshisi.

Balqashtaǵy ortalyq saıabaqta jas aǵashtar men kóshetter otyrǵyzyldy.

Munda «Kazakhmys Smelting» JShS Balqash mys balqytý zaýytynyń qyzmetkerleri myń kóshet ekti. Olar Bókeıhanov kóshesine kirer tustaǵy ýchaskege otyrǵyzyldy.

Kompanııa Qaraǵandy kóshettiginen 500 úıeńki men qaraǵash butaǵyn satyp aldy.

Balqash mys balqytý zaýyty aǵashtar men kóshetterge ýaqytyly sý quıýdy qamtamasyz etti. Osy maqsatta kásiporyn jergilikti ákimdikpen kelissóz júrgizdi.

«Kazakhmys Smelting» JShS sanıtarlyq-qorǵaý aımaǵy jobasy men kógaldandyrý jobasyn jasady. Barlyq jerge qurylys salynǵan nemese aǵash otyrǵyzýǵa jaramsyz bolǵandyqtan, jergilikti atqarýshy organmen kelissózder júrgizildi. Sonyń nátıjesinde sýarmaly kóktemgi egis jumystaryn júrgizýge alań berildi», - deıdi «Kazakhmys Smelting» JShS Qorshaǵan ortany qorǵaý bóliminiń bas mamany Olga Polıkarpova.

Onyń sózinshe, Balqash qalasynda kóktemgi kógaldandyrýmen qatar, kúzgi aǵashtar men butalardy otyrǵyzý jumystary da josparlanǵan.

Kóshetter Aǵybaı batyr kóshesi men Álimjanov kóshesiniń boıyndaǵy kópirden shyǵatyn bólikte paıda bolady.

Jasyl alqaptardy sýǵarýdy da qala ákimdigi óz moınyna alady.

Sonymen qatar 2023 jyldyń qyrkúıeginde Balqash mys balqytý zaýytyndaǵy kúkirt qyshqyly tsehin kúrdeli jóndeýden ótkizý josparlanyp otyr.

Munyń barlyǵy qala ekologııasyna oń áserin tıgizedi, deıdi kompanııa.

Jezqazǵanda «Kazakhmys Smelting» JShS jumysshylary myńǵa jýyq úıeńki kóshetin otyrǵyzdy. Jas aǵashtar «Naýryz» saıabaǵyna sán berdi.

Oblys ortalyǵynda jasyl jelek otyrǵyzý maqsatyndaǵy ekologııalyq aktsııaǵa kásiporynnyń 100-den astam qyzmetkeri, sondaı-aq «Kazakhmys Smelting» JShS bas dırektory Jánibek Baıǵabelov pen qalalyq máslıhat depýtaty Murager Shaıahmetov qatysty.

Kompanııanyń birinshi basshysy «Qazaqmys» korporatsııasy» osyndaı ekologııalyq aktsııalardy jyl saıyn ótkizip turatynyn atap ótti.

Al aldaǵy ýaqytta kompanııa ornalasqan aımaqtardy kógaldandyrý jumysy jalǵasyn tabatyny sózsiz.

Korporatsııa ekologııalyq máselelerge úlken mán beredi.