«Qazaqmys» Ulytaý oblysyn damytýǵa 35 mlrd teńge bóledi

Ulytaý oblysynyń ákimi Berik Ábdiǵalıuly jáne «Kazakhmys Holding (Qazaqmys Holdıng)» JShS Dırektorlar keńesiniń tóraǵasy Edýard Ogaı Ulytaý oblysynyń ákimdigi men «Qazaqmys» Toby arasyndaǵy ózara túsinistik pen yntymaqtastyq týraly memorandýmǵa qol qoıdy.

Memorandýmnyń negizgi maqsaty – Jezqazǵan qalasynyń ınfraqurylymyn damytý jáne abattandyrý boıynsha taraptardyń ózara qoldaýy men belsendi yntymaqtastyǵyn qamtamasyz etý.

Qol qoıylǵan memorandýmǵa sáıkes «Kazakhmys Holding (Qazaqmys Holdıng)» JShS qyzmeti Jezqazǵan, Sátbaev qalalary jáne Ulytaý aýdanynda jalpy somasy 35 mlrd. teńgege 22 jobany iske asyrý jolymen áleýmettik turaqtylyqty kúsheıtýge baǵyttalatyn bolady. Memorandým aıasynda jaqyn jyldary Jezqazǵan qalasynda dene shynyqtyrý-saýyqtyrý kesheni, mýzykalyq drama teatry men balabaqsha syndy áleýmettik-mádenı turmystyq nysandar salynady.

Sátbaev qalasy halqynyń densaýlyǵyn qoldaý maqsatynda kompanııa munda emhana men jaraqat pýnktin salady.

Budan basqa, «Qazaqmys» memlekettik tehnıkalyq ýnıversıtettiń ashylýyna jáne Ulytaý aýdanynda Memlekettik rámizder alańynyń qurylysyna qatysady. Kompanııa esebinen erekshe qajettilikteri bar balalarǵa arnalǵan eki ǵımarat (kúndiz qabyldaý ortalyqtary úshin) satyp alynady.

Sondaı-aq, sharýashylyq sýynyń kótergish sorǵy stantsııasyna jóndeý júrgizý josparlanýda. «Qazaqmystyń» qoldaýymen Jezqazǵandaǵy Keńgir sý qoımasy jaǵalaýyn abattandyrýǵa arnalǵan eskızdik joba ázirlenedi, Tasbulaq, Kúmisbulaq jáne Áýlıetaý taýlarynyń bulaqtaryn abattandyrýǵa arnalǵan eskızdik joba daıyndalyp, abattandyrylady.

Sonymen qatar, memorandýmda Qazaqmys qatysatyn basqa da jobalar kórsetilgen. Osylaısha, kompanııa Jezqazǵan qalasynda 320 oryndyq balabaqshanyń qurylysyn aıaqtaıdy, Sátbaev qalasynda birqatar nysandardy qaıta qurý jáne abattandyrý boıynsha eskızdik jobalar daıyndaıdy.

Turǵyn úı salasyndaǵy máselelerdiń áleýmettik mańyzdylyǵyn nazarǵa ala otyryp, kompanııa Jezqazǵan qalasyndaǵy uzaqqa sozylǵan qurylys nysandaryn aıaqtaıdy.

Osy ózara túsinistik jáne yntymaqtastyq týraly memorandýmǵa qol qoıý taraptarǵa ózara is-qımyldy jańa sapalyq kezeńge shyǵarýǵa múmkindik beredi jáne óńir halqynyń ál-aýqatynyń deńgeıin arttyrý negizgi basymdyq bolady.