Qazaqmys pen Qazmyryshqa qatysty monopolııaǵa qarsy tergeý júrip jatyr

QARAǴANDY. QazAqparat -  Básekelestikti qorǵaý salasyndaǵy zańnamany buzý faktisi boıynsha «Qazaqmys» korporatsııasy» JShS men «Qazmyrysh» JShS-ǵa qatysty monopolııaǵa qarsy tergeý júrip jatyr, dep habarlady «QazAqparat» HAA tilshisi.

Ulttyq ekonomıka mınıstrligi Tabıǵı monopolııalardy retteý, básekelestikti qorǵaý jáne tutynýshylardyń quqyqtaryn qorǵaý komıtetinen habarlaǵandaı, atalmysh seriktestikterdiń is-qımylynda «Saýda-kólik kompanııasy» JShS-ǵa kúkirt qyshqylyn jetkizý naryǵynda kartel  belgileri baıqaldy.  Bul kúkirt qyshqylyna baǵanyń belgilenýine, baıqaý qorytyndylaryn burmalaýǵa, taýar naryǵyn aýmaqtyq qaǵıdat boıynsha bólýge alyp kelgen.

 «Kelisý komıssııasynyń otyrysy ótti. Basym daýyspen Qazaqmys pen Qazmyrysh ókilderiniń eskertýleri men usynystaryn eskere otyryp, tujyrym jobasyn pysyqtaý usynyldy», - dep habarlady komıtetten.

Kartel - monopolıstik birlestik nemese kelisim nysany.  Kelisý obektisi baǵa belgileý, yqpal etý salasy, satý jaǵdaıy, patentterdi paıdalaný, óndiris kólemin retteý, ónimdi ótkizý shartyn kelisý, jumysshylardy jaldaý bolýy múmkin.   Naryq tetikteriniń jumysyn qıyndatady. Birqatar elderde kartelge tyıym salynǵan.