«Qazaqmys korporatsııasy» 2025 jyldyń basynda jumyskerlerdiń jalaqysyn kóteredi
Indeksteý 2024 jyly QR Strategııalyq josparlaý jáne reformalar agenttigi Ulttyq statıstıka bıýrosy resmı belgilegen ınflıatsııa deńgeıine saı júzege asyrylady. Jalaqy 8,5%-ǵa óskende (2025 jylǵa arnalǵan ınflıatsııanyń boljamdy deńgeıi) tutas Qazaqmys korporatsııasy boıynsha ortasha jalaqy 822 000 teńge (2024 jyly 730 431 teńge), jerasty jumysshylary úshin 1 303 000 teńge (2024 jyly 1 202 000 teńge) bolady.
Áleýmettik jaýapty jumys berýshi retinde Korporatsııa óz qyzmetkerleriniń qarjylyq ál-aýqatyn qoldaýǵa baǵyttalǵan baǵdarlamalardy engize otyryp, olardy áleýmettik qorǵaý sharalaryn kezeń-kezeńimen iske asyrady.
Sonymen qatar 2025-2029 jyldarǵa arnalǵan jańa Ujymdyq shart ázirleý aıasynda «Qazaqmys» korporatsııasy áleýmettik paketke kelesi jaqsartýlardy usyndy:
- sanatorlyq-kýrorttyq emdeýge materıaldyq kómek pen ótemaqy mólsherin ulǵaıtý;
- erekshe qajettiligi bar balalardy tárbıelep otyrǵan ata-analarǵa qosymsha jeńildik engizý, onyń ishinde 954 adamdy qamtı otyryp, múgedektigi bar balalardy ońaltý;
- balalar lagerine jiberiletin balalar sanyn 1500 adamǵa deıin ulǵaıtý (qosymsha 200 bala);
- erikti medıtsınalyq saqtandyrý usynylatyn jumyskerler tobyn keńeıtý. Qosymsha qalypty eńbek jaǵdaıynda jumys isteıtin 13 500-ge jýyq adam (2024 jyly 31000, qyzmetker, 2025 jyly 44500, bul shtat sanyn 100% jabýdy qamtamasyz etedi) bir adamǵa eseptegende jylyna 2,5 mln teńge jalpy saqtandyrý somasymen qamtylady.
Bul bastamalar Korporatsııanyń áleýmettik jaýapkershilik qaǵıdattaryna adaldyǵyn jáne qyzmetkerler men olardyń otbasylarynyń eńbek jaǵdaıy men ómir súrý sapasyn jaqsartýǵa degen umtylysyn kórsetedi.