«Qazaqmys» komandasy shaǵyn fýtboldan Euro Business Cup chempıonatynyń «qola» júldegeri atandy

<p>ASTANA. KAZINFORM&nbsp; - Túrkııanyń Antalıa qalasynda ótken shaǵyn fýtboldan Euro Business Cup halyqaralyq chempıonatynda &laquo;Qazaqmys&raquo; komandasy &laquo;qola&raquo; júldeger atandy.</p>

Álemniń ártúrli elinen 28 komanda qatysqan baıraqty básekede «Qazaqmys» komandasy toptyq kezeńde ózbekstandyq CCS Progress-pen (1:1), túrkııalyq CMS-pen (2:1) jáne rýmynııalyq Damen Galati komandasymen (3:2) kezdesip, eki jeńis pen bir teń oıyn arqyly birinshi oryn alyp, pleı-offqa shyqqan bolatyn. 

Foto: eurobusinesscup.com

Al 1/8 fınalda «Qazaqmys» Slovakııanyń «Schaeffler» komandasynan 4:3 esebimen basym tústi. Shırek fınalda komanda Moldovanyń «MAIB» komandasymen jasyl alańda kezdesti. Negizgi ýaqytta qarsylastar bir-birinen basym túse almaı, oıyn 1:1 esebimen teń aıaqtaldy. Osydan keıin jeńimpaz taǵdyryn penaltı serııasy sheshti. Penaltı kezinde qazaqmystyqtar mergendik tanytyp, moldavalyqtardy 2:0 esebimen jeńdi. 

Foto: eurobusinesscup.com

Jartylaı fınalda «Qazaqmys» komandasy týrnırdiń byltyrǵy chempıony – Ázerbaıjannyń «Azersun» komandasymen kezdesip, ókinishke qaraı 1:2 esebimen ese jiberdi. Oıyn barysynda otandastarymyzdyń qatarynda Marlen Eralıev qana mergendik tanyta aldy. 

Foto: eurobusinesscup.com

Eske sala keteıik, qyrkúıek aıynda komanda AGMP Kýbogyna arnalǵan shaǵyn fýtboldan salalyq týrnırdi jeńip, Qazaqstannyń taý-ken metallýrgııa salasyn tanystyrý úshin Túrkııaǵa attanǵan bolatyn.