«Qazaqmys» Qyrǵyzstanda izdeý salynǵan Vladımır Jumanbaevqa qatysty túsinik berdi

<p>ASTANA. KAZINFORM &ndash; &laquo;Kazakhmys Holding&raquo; JShS-sy atalmysh kásiporynnyń top-menedjeri Vladımır Jumanbaevqa halyqaralyq izdeý jarııalanǵany týraly aqparatty joqqa shyǵaryldy.</p>

«Jelide Qyrǵyz Respýblıkasynyń Ulttyq qaýipsizdik memlekettik komıtetiniń Qazaqstan azamaty, «Kazakhmys Holding» JShS top-menedjeri, «Altyn Almas» jáne «Qarajyra» aktsıoneri Vladımır Jumanbaevqa halyqaralyq izdeý jarııalanǵany týraly aqparat taralyp jatyr. Osyǵan baılanysty Vladımır Jumanbaevtyń UQMK habarlamasynda kórsetilgen qurylymdarǵa qatysy joq ekenin habarlaımyz», - delingen «Qazaqmys» JShS-niń Telegram paraqshasynda. 

Aqparatta aıtylǵandaı, V. Jumanbaev qazir eńbek demalysynda jáne quqyq qorǵaý organdarynan jasyrynbaıdy, tergeýge jan-jaqty kómek kórsetýge daıyn.

«Buǵan qosa «Qazaqmys», «Altyn Almas» jáne «Qarajyra» kompanııalar tobyna Qyrǵyzstannyń sotqa deıingi tergeý organdarynan resmı ótinish kelip túsken joq. Kompanııalar toby óz qyzmetin Qazaqstan Respýblıkasynyń zańnamasyna sáıkes júzege asyrady jáne qyzmetkerlerdiń quqyǵy men múddesin qorǵaýǵa daıyn», - deıdi kompanııadan.

Buǵan deıin Qyrǵyzstanda qazaqstandyq kásipker Vladımır Jumanbaevqa izdeý jarııalanǵany týraly habarlaǵan edik.