Qazaqmys, ERG jáne Qaztsınk yntymaqtastyq týraly memorandýmǵa qol qoıdy

<p>ASTANA. KAZINFORM&nbsp;&mdash; Qazaqstannyń jetekshi taý-ken metallýrgııalyq kompanııalary&nbsp;&mdash; Qazaqmys, Qaztsınk jáne ERG otandyq qamtýdy damytý jáne ımportty almastyrý máselelerin talqylaýǵa baǵyttalǵan birqatar kezdesýlerdi jalǵastyrdy.</p>

Kompanııa basshylyǵy men «QazIndustry» AQ ókilderi «Qazaqmystyń» Balqash, Jezqazǵan jáne Qaraǵandydaǵy alty óndiris ornynda boldy.

Balqashta delegatsııa «Qazaqmys Korporatsııasy» JShS-niń mehanıkalyq jóndeý zaýyty men «Kazakhmys Smelting» JShS-niń mys jáne emal symdaryn shyǵaratyn tsehynyń ónimderine erekshe qyzyǵýshylyq tanytty.

Foto: Qazaqmys korporatsııasy baspasóz qyzmeti

«ERG Kommertsııalyq ortalyǵy» JShS-nyń bas dırektory Rýslan Mýlıýkbaev yntymaqtastyqty odan ári damytýdyń mańyzyn atap ótti.

«Biz jylyna 80 tonnaǵa deıin emal symyn satyp alýǵa jáne Qazaqmyspen ózara tıimdi sharttarda úsh jyldyq formýlıarlyq kelisimshart jasasýǵa múddelimiz. Biz ónim baǵasyn belgileý jáne ishki mazmundy damytý boıynsha ashyq yntymaqtas jasaýǵa daıynbyz", - deıdi ol.

«Kaztsınkmash» ÓK dırektory Aleksandr Anchýgın Mehanıkalyq jóndeý zaýyty ónimderiniń keleshegi jóninde bylaı dep atap ótti:

«Bizdiń kompanııalarymyz úshin bir-birimizdi qoldaı otyryp, ımportty almastyrýǵa arnalǵan pozıtsııalardy damytý óte mańyzdy. Mashına jasaý salasynda iri kompanııalardyń yntymaqtastyǵy joǵary mýltıplıkatıvtik áserge ıe: biz seriktesterimizge belgili bir ónimderdi óndirýde kómektesemiz, al olar bizge kómektesedi. Bizdiń RMZ-men jumysymyzdyń mysaly — munyń aıqyn dáleli».

Foto: Qazaqmys korporatsııasy baspasóz qyzmeti

Jezqazǵan qalasynda delegatsııa baǵdarlamany Qazaqstannyń taý-ken metallýrgııa ónerkásibiniń damýyna qosqan úlesine qurmet retinde Qanysh Sátbaevtyń eskertkishine gúl shoqtaryn qoıýdan bastady.

«Kazakhmys Smelting» JShS-nyń bas dırektory Jánibek Baıǵabelov qonaqtardy Jezqazǵan mys qorytý zaýytynyń jáne «Qazkat» mys ılemderin shyǵaratyn zaýyttyń jumysymen tanystyrdy.

Kelesi kezekte delegatsııa mashına jasaý salasynyń flagmany retinde tanylǵan Qaraǵandy quıý-mashına jasaý zaýytynda boldy. Zaýyt taý-ken, metallýrgııa jáne energetıka salalaryna arnalǵan flotatsııalyq jabdyqty, usaqtaý jáne untaqtaý qondyrǵylaryn, konveıerlik júıeler men bólshekterdi shyǵarýǵa mamandanǵan óndiristik qýatymen tanymal.

Halyqaralyq sapa standarttaryna sáıkes keletin óte kúrdeli jabdyqty shyǵarýǵa múmkindik beretin tehnologııalar men ázirlemelerge erekshe nazar aýdaryldy.

2024 jyldyń 19 tamyzynda Qaraǵandy quıý-mashına jasaý zaýyty halyqaralyq API sertıfıkatyn (Amerıkandyq munaı ınstıtýty) aldy, bul sertıfıkatqa ıe Qazaqstandaǵy alǵashqy mashına jasaý kásiporny boldy.

Qaraǵandy quıý-mashına jasaý zaýytynyń Basqarma tóraǵasy Jánibek Baıǵabelov «Qazaqmystyń» ımporttyq materıaldar men jabdyqtardy otandyq ónimmen almastyrý strategııasyndaǵy zaýyttyń mańyzdylyǵyn atap ótti.

Ol zaýyttyń óndiristik qýattylyǵyn belsendi túrde arttyryp jatqanyn, bul ımportqa táýeldilikti azaıtýǵa jáne qazaqstandyq ónimniń básekege qabilettiligin arttyrýǵa kómektesetinin atap ótti.

Foto: Qazaqmys korporatsııasy baspasóz qyzmeti

Eki kúndik sapar Qazaqmys, Qaztsınk jáne ERG arasyndaǵy yntymaqtastyq týraly úshjaqty memorandýmǵa qol qoıýmen aıaqtaldy. Bul memorandým uzaqmerzimdi áriptestikti damytýǵa jáne taýarlardy, jumystar men qyzmetterdi satyp alýdaǵy jergilikti qamtý úlesin arttyrýǵa baǵyttalǵan. 

Yntymaqtastyq Qazaqstan Respýblıkasynyń ındýstrııalandyrý, adam resýrstaryn damytý jáne otandyq ónimdi qoldaý salasyndaǵy ekonomıkalyq ilgerileýine yqpal etedi. Aldaǵy ýaqytta qosalqy bólshekterdiń 200-den astam ataýyna off-take kelisimderin jasaý josparlanýda.