«Qazaqkontsert» ujymy el aralap óner kórsetedi
«Roza Baǵlanova atyndaǵy «Qazaqkontsert» memlekettik uıymy 62-shi jańa maýsymdy bastaıdy. El aralap kontsert berip, gastroldik sapardy bastaǵaly otyrmyz. Sondaı-aq, elimizdegi monoqalalarǵa arnalǵan jobamyz bar. Abaı, Shyǵys Qazaqstan, Ulytaý, Jetisý, Túrkistan, Jambyl oblystaryndaǵy monoqalalarda ujymdyq kontsert ótkizbekpiz. Jobanyń aty – «El birligi – jańa Qazaqstan» dep atalady. Odan bólek, bıyl kúzde Almatyda «Altyn kúz» atty úlken kontsert berý jospar bar», - dedi Roza Baǵlanova atyndaǵy «Qazaqkontsert» memlekettik kontserttik uıymynyń dırektory Aqtoty Raıymqulova elordada ótken baspasóz máslıhatynda.
Sondaı-aq, óner ujymy jańadan qurylǵan úsh oblysta (Ulytaý, Jetisý, Abaı) jeke kontsert bermek.
Gastroldik kontsertterdiń shyǵarmashylyq quramynda «Qazaqkontserttiń» solısteri: Qazaqstannyń halyq ártisi, Qazaqstannyń Eńbek Eri Roza Rymbaeva, Qazaqstannyń eńbek sińirgen ártisi Aıjan Nurmaǵambetova, Qazaqstannyń eńbek sińirgen qaıratkerleri Erlan Rysqalı, Raýshan Orazbaeva, Azamat Jyltyrkózov, Medet Chotabaev, Saltanat Ahmetova, Janna Orynbasarova, QR Mádenıet salasynyń úzdigi Perızat Turarova, «Daryn» memlekettik jastar syılyǵynyń laýreattary Asqar Muqııat, Ardaq Eleýsiz, halyqaralyq jáne respýblıkalyq baıqaýlardyń laýreattary Daryn Qudaıbergen, Álibek Álmadıev, Áıgerim Altynbek, Saltanat Meńdiǵalıeva, Dıdar Ábdihalyq.