Kazakhmys Energy kompanııasyna 27 mln teńge aıyppul salyndy

ASTANA. QazAqparat - Memleket basshysy men Bas prokýror tapsyrmasy aıasynda Ulytaý oblysynyń prokýratýrasy quramyna Jezqazǵan jáne Balqash JEO kiretin «Kazakhmys Energy» JShS jumysyna tekserý júrgizdi, dep habarlaıdy QazAqparat vedomstvoǵa silteme jasap.

Tekserý nátıjesi boıynsha ónerkásiptik qaýipsizdik, tehnıkalyq retteý, elektr energetıkasy, eńbekti qorǵaý salalarynda, sanıtarlyq-epıdemıologııalyq normalar jáne basqa 600-ge jýyq zańbuzýshylyq anyqtaldy.

Atap aıtqanda, obektilerdi jańǵyrtýǵa ınvestıtsııalardyń bolmaýy, qabyldanyp jatqan sharalar aǵymdaǵy aqaýlardy joıýmen shektelgen, elektr stantsııalary men jelilerin tehnıkalyq paıdalaný erejelerin buzý, jylý jelileriniń temperatýralyq kestelerin saqtamaý, ólsheý quraldaryn ýaqtyly salystyryp teksermeý jáne basqa faktiler bar.

Búkil zańbuzýshylyq boıynsha ýákiletti organdardyń atyna 16 prokýrorlyq qadaǵalaý aktisi engizilip, kináli adamdar 27 mln teńge somasyna ákimshilik jaýapkershilikke tartylǵan.

Búgingi tańda «Kazakhmys Energy» JShS 21 mln teńgeden astam somaǵa aıyppul tóledi.

Osyǵan qosa, ýákiletti organdar Jezqazǵan jáne Balqash JEO-da naqty is sharalar men oryndaý merzimi, onyń ishinde jabdyqtardy jańǵyrtý kerektigin kórsete otyryp, zańbuzýshylyqtardy joıý jóninde uıǵarym engizgen.