Kazakhmys Barlau halyqaralyq yntymaqtastyq geografııasyn keńeıtedi: AMM nátıjeleri
Qonaqtardyń kelý i
AMM qarsańynda áleýetti seriktes kompanııalardyń ókilderi Kazakhmys Barlau nysandaryn aralady. Máselen, First Quantum Minerals kompanııasynyń bıznesti damytý jónindegi menedjerleri geologııalyq klaster men Jezqazǵan ken ornynda boldy. Kanadadan kelgen qonaqtar qurylystyń barysymen, maqsatymen, sondaı-aq geologııalyq ınfraqurylymdy odan ári damytý perspektıvalarymen tanysty, sondaı-aq Jezqazǵan ýchaskesinde bolyp, Kazakhmys Barlau kompanııasynyń burǵylaý jumystaryn kórdi, tipti Ońtústik-Jezqazǵan kenishiniń shahtasyna tústi.
Al osy rette avstralııalyq-brıtandyq Rio Tinto kontserniniń (álemdegi úshinshi iri transulttyq taý-ken metallýrgııalyq kompanııasy) qyzmetkerleri Ulytaý óńirindegi Jezqazǵan jáne Jylandy toptyq ken oryndaryna bardy.
Tájirıbe almasý aıasynda Kazakhmys Barlau geologtary sheteldik áriptesterin ashyq taý kenishterine shaqyrdy. Qonaqtar Jylandy ken ornynyń quramyna kiretin Shyǵys Saryoba karerinde boldy. Sheteldik geologtar dala geologtarymen ákimshilik-abattandyrý kombınatynyń zamanaýı ǵımaratynda kezdesti.
Kazakhmys Barlau ókilderiniń aıtýynsha, halyqaralyq yntymaqtastyq – kompanııanyń strategııalyq baǵyttarynyń biri.
Kelisimder
Kazakhmys Barlau kompanııasynyń kongresske qatysý aıasynda aldyna qoıǵan mindetteriniń biri Qazaqstandy geologııalyq barlaýǵa ınvestıtsııa tartý boldy. Kompanııanyń bas dırektory Ǵalym Nurjanov atap ótkendeı, memleket basshysy Qasym-Jomart Toqaev ta osy salanyń ınvestıtsııalyq tartymdylyǵyn arttyrýǵa erekshe kóńil bólýde.
«Biz elimizdiń turaqty ósýi men damýyn qamtamasyz etý úshin, sondaı-aq bolashaq urpaq úshin tabıǵı resýrstarymyzdy saqtaý úshin ozyq tehnologııalardy paıdalana otyryp jáne jahandyq kompanııalarmen yntymaqtasa otyryp, osy baǵytta jumysty jalǵastyramyz», - dedi Ǵalym Nurjanov.
Osy maqsatta Ǵalym Nurjanov álemdegi iri kompanııalardyń ókilderimen kezdesti. Solardyń biri – kanadalyq taý-ken óndirýshi Teck Resources kompanııasynyń vıtse-prezıdenti Stıýart MakKrakken Kazakhmys Barlau kompanııasymen geologııalyq barlaý, ken oryndaryn ıgerý jáne taý-ken metallýrgııa salasyndaǵy jobalardy júzege asyrý salasynda áriptestik ornatýǵa daıyn ekenin jetkizdi. Taraptar sondaı-aq Teck Resources kompanııasynyń Qazaqstanda mys óndirý boıynsha iri jobalardy júzege asyrýǵa qatysý múmkindigin talqylady.
Taǵy bir kanadalyq taý-ken óndirýshi kompanııa B2Gold Corporation da Kazakhmys Barlau -men yntymaqtasýǵa nıet bildirdi. Óz kezeginde Ǵalym Nurjanov Qazaqstanda jańa altyn ken oryndaryn ashýdyń keleshegi zor ekenin atap ótti.
Sonymen qatar frantsýzdyq Dassault Systemes kompanııasynyń basshylyǵymen kezdesý ótti. Taý-ken ónerkásibindegi ártúrli máseleni sheshýge arnalǵan baǵdarlamalyq ónimderdi ázirleýshiler geologııa jáne taý-ken isi salasyndaǵy baǵdarlamalyq jáne konsaltıngtik qyzmetterin usyndy.
Sondaı-aq OneWeb halyqaralyq spýtnıktik baılanys kompanııasynyń ókilderimen kezdesý ótti. Kelissózder barysynda Ǵalym Nurjanov kompanııanyń tsıfrlandyrýdaǵy damý bolashaǵy týraly aıtty. OneWeb-tiń jańa múmkindikterine erekshe kóńil bólindi, tómen orbıtalyq spýtnıktik shoqjuldyzdan sıgnal alý baılanys turaqtylyǵyn qamtamasyz etedi. Bul qashyqtaǵy nysandardy baılanyspen qamtamasyz etedi.
Kelissózder nátıjesinde taraptar Kazakhmys Barlau kompanııasynyń pılottyq jobasyn iske qosý týraly kelisimge keldi. Osy pılottyq joba aıasynda OneWeb halyqaralyq spýtnıktik baılanys kompanııasy Dıspetcherlik ortalyq pen Kazakhmys Barlau-dyń shalǵaıdaǵy ýchaskeleri arasyndaǵy baılanys arnasyn synaqtan ótkizedi. Bul ýchaskelerdegi jumys tıimdiligin arttyryp, ǵylymı máselelerdi sheshýge múmkindik beredi. Barlyq ýchaskedegi baılanys birden aýyr geologııalyq materıaldardy, baǵdarlamalar men derekterdi jibere otyryp, barlyq jumysty baqylaýǵa múmkindik beredi. Sonymen qatar, Kazakhmys Barlau kompanııasy tótenshe jaǵdaılarǵa der kezinde den qoıyp, jumysty 24/7, 365 kún boıy úılestire alady. Osynyń barlyǵy geologııalyq salanyń damýyna tyń serpin beredi.
Ǵalym Nurjanovtyń aıtýynsha, Kazakhmys Barlau geologııalyq barlaýdy engizý kezinde bıznes-protsesterdi qurylymdaý men ońtaılandyrýǵa kómektesetin jańa tehnologııalar men quraldardy paıdalanýǵa múddeli.
Tájirıbe almasý
Kazakhmys Barlau kompanııasynyń bas geology Pavel Nıtsenko «Qazaqmystyń» mıneraldyq-shıkizat bazasyn tolyqtyrý úshin zamanaýı geologııalyq zertteý tehnologııalaryn paıdalaný máselelerine arnalǵan sessııaǵa qatysty. Baıandamashy atap ótkendeı, barlaý tájirıbesinde ınnovatsııalyq tásilderdi qoldaný Kazakhmys Barlau kompanııasyna izdeý-barlaý jumystarynyń tıimdiligin aıtarlyqtaı arttyrýǵa múmkindik berdi.
«Kazakhmys Barlau kompanııasy «Qazaqmys» korporatsııasynyń jáne jalpy Qazaqstan respýblıkasynyń mıneral-shıkizat bazasyn tolyqtyrýǵa jáne ulǵaıtýǵa baǵyttalǵan óndiristik qyzmeti barysynda geologııalyq barlaýdyń eń tıimdi jahandyq tásilderin paıdalanýdy jalǵastyrýdy josparlap otyr», - dep atap ótti Pavel Nıtsenko.