KAZAKH INVEST byltyr ınvestorlardyń 2,2 myńnan astam ótinishin qarady
14:05, 31 Mamyr 2021
NUR-SULTAN. QazAqparat – 2020 jyly KAZAKH INVEST ınvestorlardyń 2 279 ótinishin qarady. Bul kompanııanyń basqarmasy tóraǵasy Meıirjan Júsipov málim etti, dep habarlaıdy QazAqparat tilshisi.
«KAZAKH INVEST Call-center arqyly ınvestorlarǵa táýlik boıy servıstik qoldaý kórsetip keledi. Sonymen qatar kompanııa mamandary sheteldik bızneske vızalyq qoldaý, ınvestıtsııalyq kelisimshart jasasýǵa járdemdesý jáne ınvestıtsııalyq jobalardy iske asyrý barysynda zań jaǵynan kómek kórsetedi», - dedi Meıirjan Júsipov Ortalyq kommýnıkatsııalar qyzmetindegi baspasóz máslıhaty barysynda.
Onyń atap ótýinshe, 2020 jyly ulttyq kompanııa tarapynan ınvestorlardyń 2 279 ótinishi qaraldy.
«Atap aıtqanda, 1 438 qońyraý qabyldandy. 587 jazbasha jáne aýyzsha keńes berildi. Investıtsııalyq preferentsııalarǵa 44 ótinim, sondaı-aq vızalyq jáne kóshi-qon máseleleri boıynsha 126 ótinish qaraldy», - dedi ol.