Qazaqfılmniń ózi de, ınfraqurylymy da óte qıyn jaǵdaıda – Aıda Balaeva

<p>ASTANA. KAZINFORM &ndash; &laquo;Qazaqfılm&raquo; kınostýdııasy tikeleı memlekettik bıýdjetten qarjylandyrý jaǵy qaralyp jatyr. Bul týraly Mádenıet jáne aqparat mınıstri Aıda Balaeva málim etti.&nbsp;</p>

Májilistiń jalpy otyrysynan keıin BAQ ókilderi vedomstvo basshysynan «Qazaqfılm» daý-damaıǵa baılanysty kınostýdııa jabyla ma dep surady.

«Árıne, jabylmaıdy, muny mınıstr retinde resmı túrde jarııalaımyn. Bul – bizdiń tarıhymyz. Kıno men kınematografııanyń damýy «Qazaqfılm» tarıhymen tikeleı baılanysty. Sondyqtan bul kásiporyndy saqtap, ony damytý – urpaq aldyndaǵy paryzymyz», - dep jaýap berdi Aıda Balaeva. 

Onyń aıtýynsha, búginde Mádenıet jáne aqparat mınıstrliginiń kınostýdııany tikeleı qarjylandyrýǵa quzyreti joq. 

«Sondyqtan qazir biz naqty sharalardy qarastyryp jatyrmyz. Birinshiden, bul máseleni zańnamalyq deńgeıde retteý, ıaǵnı «Qazaqfılm» kınostýdııasyn memlekettik tapsyrys arqyly jáne jekelegen tetikter arqyly tikeleı qarjylandyrý kerek. Osy oraıda menedjerlik tásildi qaıta qaraýdamyz. Búginde Qazaqfılmniń ózi de ınfraqurylymy da óte qıyn jaǵdaıda ekenin aıtqym keledi. Jalpy, qarjylandyrý joq jerde damý týraly aıtýdyń qajeti joq», - dep tolyqtyrdy Aıda Balaeva. 

Eske sala ketsek, bıyl tamyzda Mádenıet jáne aqparat mınıstrligi «Qazaqfılmge» qatysty málimdeme jasaǵan edi. 

Odan bólek, «Qazaqfılm» kıno túsirýge 14,6 mlrd teńge jumsap, 695 mln teńge paıda tapqany týraly habarlaǵan edik.