«Qazaqfılm» ózderine qatysty taraǵan qaýesetterdi joqqa shyǵardy

<p>ASTANA. KAZINFORM - Sháken Aımanov atyndaǵy &laquo;Qazaqfılm&raquo; kınostýdııasy Almaty qalasyndaǵy Rysqulov dańǵyly, 101B mekenjaıynda ornalasqan jer telimi men burynǵy &laquo;Qazkınoprokat&raquo; ǵımaratynyń satylǵany týraly qaýesetterdi joqqa shyǵardy. Bul týraly atalǵan&nbsp; kınostýdııanyń&nbsp;<a href="https://www.facebook.com/share/p/14ksLZrrSe/?mibextid=WC7FNe" target="_blank" rel="noopener">Facebook</a> paraqshasynda habarlandy.</p>

Kınostýdııanyń málimetinshe, kórsetilgen aýmaqtaǵy ǵımarat apatty dep tanylǵan. Qaýipsizdikti qamtamasyz etý maqsatynda «Qazaqfılm» Almaty qalasy ákimdigi ókilderiniń qatysýymen keshendi saraptama uıymdastyrǵan.

«Mamandardyń qorytyndysy negizinde bul ǵımaratty qaýipsiz paıdalaný boıynsha odan ári sheshimder qabyldanady. Jer telimi men ǵımarat kesheni satyldy degen aqparat jalǵan. Bul jalǵan aqparatty taratýdy jalǵasa berse, sotqa júginý quqyǵymyzdy saqtaımyz», — delingen kınostýdııa málimdemesinde.

Sonymen qatar, «Qazaqfılm»ótkizý rejıminiń qatańdaýy týraly aqparatty joqqa shyǵardy. Qoldanystaǵy ótkizý júıesi qyzmetkerlerdiń qaýipsizdigin qamtamasyz etýge jáne stýdııa múlkiniń saqtalýyna baǵyttalǵan. Bul álemdegi barlyq kınostýdııalarda standartty tájirıbe.

«Mundaı sharalar kınostýdııalarda keńinen qabyldanǵan tájirıbe jáne urlyq, órt jáne basqa da oqıǵalardyń aldyn alý úshin qajet», — delingen habarlamada.