«Qazaqfılm» aýlasynda tizilip turǵan kólikter qaıdan keldi

<p>Almatydaǵy &laquo;Qazaqfılm&raquo; ǵımaraty aýmaǵynda paıda bolǵan avtokólikterge qatysty resmı túsinik berildi, dep habarlaıdy Kazinform.</p>

«Qazaqfılm» AQ prezıdenti retinde meniń basty mindetim – 178 adamnyń aılyǵyn taýyp berý. Jalǵa berem be, álde basqa da jumystar isteımin be — ol meniń mindetim. Men kınodan da basqa qyzmetkerlerdiń jalaqysyn tóleýim kerek. Bul taksopark, eshqandaı avtokólik satylmaıdy», - dedi «Qazaqfılm» AQ prezıdenti Azamat Satybaldy KTK telearnasyna bergen suhbatynda.

Bul máselege qatysty QR Mádenıet jáne aqparat mınıstri Aıda Balaeva pikir bildirdi.

«Qazaqfılm» aınalasynda bolyp jatqan máseleler jaıynda aıta ketkim keledi. Shynynda da, qazir biz aınalysyp jatqan júıeli máseleler bar. Osyǵan baılanysty uıymdastyrý jáne zańnamalyq sharalar qabyldanatyn bolady», - dep jazdy Aıda Balaeva Facebook jelisinde.

Sondaı-aq, mınıstr «Qazaqfılmniń» burynǵy dańqy kóp uzamaı oralatynyna senim bildirdi.

«Aldaǵy ýaqytta sapaly fılmder túsirip, kórermendi qýanta beredi dep oılaımyz», - dedi vedomstvo basshysy.