«Qazaqfılmniń» «Shal» kartınasy el kınoteatrlaryna jol tartty

ASTANA. 8 qazan. QazAqparat - 10 qazannan bastap Qazaqstan kınoteatrlarynda Sh.Aımanov atyndaǵy «Qazaqfılm» kınostýdııasynyń jańa týyndysy «Shal» kartınasy kórsetile bastaıdy.

Almatydaǵy «Arman» kınoteatrynda ótetin fılmniń tusaýkeserine «Qazaqfılm» prezıdenti Ermek Amanshaev, rejısser, stsenarıı avtory Ermek Tursynov, kartına prodıýseri Aleksandr Vovnıanko, basty róldi somdaýshy Erbolat Toǵyzaqov qatysady.

«Qazaqfılmniń» 2012 jylǵy jańa týyndysynda Erbolat Toǵyzaqov, Orynbek Moldahan, Іsbek Ábilmajınov, Ońdasyn Besiktasov, Erdan Núsipaqynov, Oleg Poltoraıkıh, Dıana Muqysheva, Amantaı Moldybaev, Gúlbahram Baıbosynova jáne taǵy basqalar oınaıdy.

Drama Ernest Hemıngýeıdiń «Shal men teńiz» povesiniń jelisi boıynsha túsirilgen: Japan túzde - bir qarııa, onyń jesir kelini jáne nemeresi - ómir súrip jatty. Shaǵyn otbasy. Tynysh, beıbit, tatý áýlet. Kópti kórgen qarııanyń muraty - kórgen-bilgen, jıǵan-tergen úlgi-ónege, tálim-tárbıe, jaqsy qasıetterin nemeresiniń boıyna sińirý. Qarttyń oıynsha, pende qashanda aq joldan taımaýy tıis.

Bir kúnderi qystyń qyraýynda mı dalada adasqan shal tiri qalý úshin kúresedi, tabıǵattyń qatań syndarynan ótip, dala bórisi - qasqyrlarmen betpe-bet kezdesedi...