«Qazaqfılm» tapqan barlyq qarajat jalaqyǵa jumsalyp jatyr – Aqan Sataev
«Ókinishke qaraı, kınostýdııa qazir óz kartınalaryn shyǵarýdan, jalpystýdııalyq aýdarymdardan tabys taýyp otyr. Biraq olaı bolmaýy kerek, kınostýdııa klıentke baǵdarlanǵan rólderi bar kartınalaryn satýdan paıda tabýy kerek. Kınony satý jáne eksport geografııasyn keńeıtý esebinen jańa jobalardy iske qosyp, aınalym massasyna qol jetkizýi kerek. Árıne, bul rette de stýdııa qajetti tehnıka men jabdyqty jalǵa berýi tıis», - dedi Aqan Sataev elordada Mádenıet jáne sport mınıstrliginiń keńeıtilgen alqa otyrysynda.
Onyń aıtýynsha, Úkimet qoldaý kórsetken jańǵyrtýlar aıasynda jumys júrip jatyr.
«Biz qazirdiń ózinde eń zamanaýı tehnıkalardy alyp jatyrmyz. Basqarý qurylymyn ózgerttik, ashyqtyqty arttyrdyq, qaýipsizdik qyzmetin qurdyq, Úkimettiń qoldaýymen gaz júrgizdik, jalǵa berý tabysyn pandemııaǵa deıingi kezeńmen salystyrǵanda 400% - ǵa deıin kóterdik.
Biz jumys istep jatyrmyz, barynsha tyrysyp baǵamyz. Biraq stýdııa tapqan barlyq qarajat ókinishke qaraı, qyzmetkerlerdiń jalaqysy men ákimshilik-sharýashylyq qajettilikterge jumsalady. Shyndyǵyn aıtqanda, óz fılmderimizdi shyǵarýǵa da qarajat jetkiliksiz. Sondyqtan, bizge áli de óz fılmderimizdi shyǵarý úshin qoldaý qajet», - dedi A. Sataev.