«Qazaqfılm» ózderine qatysty taraǵan aqparatty joqqa shyǵardy

ALMATY. QazAqparat - Sháken Aımanov atyndaǵy «Qazaqfılm»AQ kınostýdııa keńsesinde tintý júrip jatqany týraly aqparatty joqqa shyǵardy, dep habarlaıdy QazAqparat.

«Qazaqfılmde tintý júrip jatqany týraly aqparat shyndyqqa janaspaıdy. Biz BAQ ókilderinen tekserilmegen aqparatty taratpaýdy suraımyz»,-delingen kınostýdııanyń baspasóz qyzmeti taratqan habarlamada.

Aıta ketsek, 7 qyrkúıekte birqatar BAQ-ta «Qazaqfılm» AQ kınostýdııa keńsesinde tintý júrip jatqany týraly aqparat taraǵan edi.

Eske salsaq, ótken jyly tamyzda Qazaqfılm ǵımaraty órtke orandy. Almaty ákimi «Qazaqfılmde» órttiń shyǵý sebebin anyqtaýdy tapsyrdy. «Qazaqfılm» kınostýdııasynda bolǵan tótenshe jaǵdaıǵa baılanysty QR Mádenıet jáne sport mınıstriniń qatysýymen jıyn ótti. Órtten 48 mln teńge shyǵyn kelgen.