«Qazaq jaýyngeri» Qytaıda tıtýldyq jekpe-jek ótkizedi

ASTANA. Qazaqparat - Qytaıdyń Tszınan qalasynda boks keshi qarsańynda salmaq ólsheý sharasy ótti. Aıqastyń basty oqıǵasy «Qazaq jaýyngeri» Elhat Nyǵmetollanyń (9-0-1, 1KO) aıqasy bolmaq. Bul jaıly Sports.kz habarlaıdy.

WBO nusqasy boıynsha jeńil salmaqtaǵy (53,5 kg.-118 fýntqa deıin) Azııa chempıonatynyń tıtýlyna talas jekpe-jeginde Elhat taılandtyq Kaıonsak Potangpen (25-16, 9KO) kúsh synasady.

Aıta keteıik, «Qazaq jaýyngeri» degen laqap atymen belgili Elhat Nyǵmetolla belgili otandyq boksshy Qanat Islamnyń (24-0, 19KO) jerlesi. Eki sportshy da Sıntszıan provıntsııasynyń Іle-Qazaq avtonomdy okrýginde dúnıege kelgen.