Qazaq ulttyq horeografııa akademııasy Parıjdegi balet mektebimen yntymaqtastyqty talqylady

ASTANA. QazAqparat - Parıjde QR Mádenıet jáne sport vıtse-mınıstri Aqtoty Raıymqulova jáne Qazaq ulttyq horeografııa akademııasynyń rektory Altynaı Asylmuratova Parıjdegi «GrandOpera» balet mektebiniń dırektory Elızabet Platelmen kezdesti, dep habarlaıdy QazAqparat.

Mınıstrliktiń baspasóz qyzmetiniń habarlaýynsha, kezdesý barysynda eki eldiń balet óneriniń qazirgi damý perspektıvalary men tendentsııalary, bıshilerdi kishkentaı kezinen bastap oqytýǵa qatysty ózekti máseleleri, sondaı-aq odan ári yntymaqtastyq múmkindikteri talqylandy. Búkilálemdik balet óneriniń juldyzdary Altynaı Abdýahımqyzy jáne Elızabet Platel joǵary kásibı deńgeıde oqytý daǵdylarynyń jáne bolashaq josparlarynyń barlyq qyr-syrlaryn talqylady.

«Batys jáne Shyǵys mektepteriniń tájirıbesi birge tabys ákelýi tıis ekeni sózsiz. Oqýshylardyń barlyq múmkindigin damytý qajet jáne kóbeıtiledi, sondyqtan bizdiń Akademııa «GrandOpera» sııaqty aldyńǵy qatarly mekteptermen jumys isteýge umtylýda», - dep atap ótti Altynaı Asylmuratova.

«GrandOpera» balet mektebi «Grand Opera» jáne basqa da jetekshi teatrlar úshin birneshe ret balet ártisterin daıyndady. Parıj mektebiniń túlekterine degen suranys árdaıym qol jetimdi: Bonn operalyq trýppasynan bastap jáne New York City Ballet aıaqtalyp, búkil álemde bilikti sheberligi joǵary baǵalanady.

«Qazaq Ulttyq Horeografııa Akademııasynyń bolashaq josparlarynda - álemdegi jetekshi balet mektepterimen jemisti yntymaqtastyq qolǵa alynǵan. Bul kezdesý bizdiń balet mektepteri arasyndaǵy dostyqtyń bastamasy ǵana bolatynyn jáne bizdiń dostarymyzdyń baı tájirıbesi, dástúrleri, biliktiligi men bilimderi Qazaqstannyń balettik ónerin jańa deńgeıge kóterýge kómektesetinine senimdimiz», -  dedi vıtse-mınıstr A. Raıymqulova.