Qazaq ulttyq taǵamdaryn daıyndaıtyn meıramhana 50 Best Discovery tizimine endi

<p>ASTANA. KAZINFORM&nbsp;&mdash; Qazaq Gourmet meıramhanasy 50 Best Discovery bedeldi halyqaralyq tizimine endi. Bul jaıynda Kazakh Tourism ulttyq kompanııasy habarlady.&nbsp;</p>

Bul shara — qazaqtyń ulttyq taǵamdary men Qazaqstannyń gastronomııalyq ındýstrııasynyń álemdik arenadaǵy moıyndalýy men tanylýynyń aıǵaǵy.

50 Best Discovery — búkil álemnen The World’s 50 Best Restaurants jáne The World’s 50 Best Bars syılyǵynyń sarapshylary tańdaǵan, meıramhanalar men barlardyń tańdaýly jıyntyǵy bolyp tabylatyn bedeldi halyqaralyq platforma.

Bul tizim aspazdardyń, restoratorlardyń, synshylardyń jáne 1000-nan asa táýelsiz bedeldi mamandardyń usynystaryna negizdelgen.

Foto: Qazaq Gourmet

Ol eksklıýzıvti meıramhanalardan kóshe taǵamdaryna deıin, gastronomııa súıer qaýymǵa ártúrli mádenıetter men elderdiń biregeı dámdik áserleri men kýlınarlyq jańalyqtaryn usynyp, jańa gastronomııalyq úrdisterdi beıneleıtin jáne únemi jańartylyp otyratyn kýlınarlyq tájirıbelerdiń keń spektrin qamtıdy.