Qazaq tilinde teleradıo habarlardy taratý 70% artady

<p>2025 jyldan bastap jyl saıyn memlekettik tildegi kontentterdiń úlesin 5%-ǵa arttyrý kezeń-kezeńmen júzege asyrylady. Bul týraly Mádenıet jáne aqparat mınıstri Aıda Balaeva málim etedi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

«Mass-medıa» týraly zań jobasy aıasynda teleradıoarnalardy memlekettik tilde taratý kólemin 50%-dan 70%-ǵa arttyrý usynyldy. 1999 jyly qoldanysqa engizilgen «BAQ týraly» zańǵa sáıkes 50-de 50 edi. 25 jylǵa jýyq ýaqyttan keıin eldegi trendter memlekettik til men otandyq kontentti damytý baǵytynda ózgerdi. Búgingi tańda BAQ-ta memlekettik tilde shyǵarylatyn kontenttiń úlesi 80% asty, - dedi Aıda Balaeva ortalyq kommýnıkatsııalar qyzmeti alańynda ótken baspasóz máslıhatynda.

Mınıstrdiń aıtýynsha, Qazaqstan halqynyń 80% astamy memlekettik tildi meńgergen.

«Atalǵan faktorlardy eskere otyryp, qazaq tilindegi teleradıo habarlaryn 70%-ǵa deıin arttyrý týraly sheshim qabyldandy. Al 2025 jyldan bastap jyl saıyn memlekettik tildegi kontentterdiń úlesin 5%-ǵa arttyrý kezeń-kezeńmen júzege asyrylady. Qazir «Mass-medıa» týraly zań jobasyn Májilistiń jumys toby, shetel sarapshylardy, Qazaqstannyń medıa qoǵamdastyǵy jáne azamattyq qoǵam ókilderi talqylap jatyr», - deıdi ol.