Qazaq tili tiri qalý úshin jasandy ıntellekt tiline aınalýy kerek – Saıasat Nurbek

<p>Jibek Joly arnasynyń <a href="https://www.youtube.com/watch?v=GE2B7Qid-hw" target="_blank" rel="noopener">&laquo;Ýáde&raquo;</a> baǵdarlamasyna suhbat bergen Ǵylym jáne joǵary bilim mınıstri Saıasat Nurbek qazaq tilin zamanaýı tehnologııalar tiline aınaldyrý úshin qandaı sharalar qolǵa alynyp jatqanyn aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Qazirgi tańda til damytý saıasatynyń 7 jyldyq tujyrymdamasy ázirlenip jatyr. Sonyń aıasynda 5 úlken baǵytymyz bar. Sonyń biri – qazaq tilin kodıfıkatsııalaý, ıaǵnı, júıeleý, bir júıege keltirý. Bir nársege kózimiz jetti – qazirgi tańda til tiri qalý úshin tsıfrlyq keńistikte bolýy kerek», - deıdi mınıstr.

Vedomstvo basshysy qazaq tiliniń búkil baılyǵyn Google-ge qarasty Anthropic baǵdarlamasy tsıfrlandyryp jatqanyn eske saldy. 

«Birinshiden, til qazir búkil iri massıvterde, data bazalarynda bolýy tıis. Ekinshiden, qazaq tili Tencent, Google, Meta, OpenAI, Microsoft sııaqty alpaýyt kompanııalardyń vırtýaldy kómekshileriniń tiline aınalýy kerek. Sondyqtan biz Google-diń Anthropic degen úlken kompanııasymen birlesip, qazaq tiliniń lıngvıstıkalyq korpýsyn tsıfrlandyrý jumysyn jalǵastyryp jatyrmyz. Ol jumysty bıyl bitire almasaq ta, kelesi jyly tolyqqandy aıaqtaımyz. «Til Qazyna» ınstıtýy men Til komıtetiniń bıýdjetinde osyǵan arnaıy aqsha qarastyrylǵan», - dedi Saıasat Nurbek.