«Qazaq tıtany» boksta «Iran Halkin» nokaýtqa jiberdi

DÝBAI. QazAqparat –«Qazaq tıtany» laqap atymen tanymal alyp kúsh ıesi Almat Jumanov «Wicked N’ Bad na Dubai P7 Arena» promoýsheniniń Dýbaıda (BAÁ) ótken týrnırinde óner kórsetti, dep habarlaıdy QazAqparat Sports.kz saıtyna silteme jasap.

A.Jumanov týrnırde ózin «Iran Halki» dep ataıtyn ózge palýan Sadjad Garıbımen kezdesti.

Olar jekpe-jekti boks erejesi boıynsha eki mınýttan tórt raýnd formatynda ótkizdi.

Aıqasta «Qazaq tıtany» jeńiske jetti – ol birinshi raýndta-aq opponentin tehnıkalyq nokaýtqa jiberdi.

Eske salaıyq, «Qazaq tıtany» alyp zattardy kóterýmen, súıreýmen tanymal. Ol bıylǵy sáýir aıynda AN-72 ushaǵyn ornynan qozǵap, Gınnes rekordtar kitabyna endi.

Al «Iran Halki» bodıbıldıngte aýyr zattardy kóterýmen tanymal. Onyń dene bitimi áleýmettik jelide tanymaldylyq alyp keldi: boıy 188 sm, salmaǵy 177 kg (onyń kóbi bulshyq et)

Foto: sports.kz