Qazaq tiline qaýip tónip tur deýge negiz joq - mınıstr M.Qul-Muhammed

ASTANA. 11 qarasha. QazAqparat - Búginde qazaq tiline qaýip tónip tur dep aıtýǵa bolmaıdy. Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Mádenıet jáne aqparat mınıstri Muhtar Qul-Muhammed osylaı aıtty.

Mınıstr atap kórsetkendeı, búginde til máselesi zııaly qaýym arasynda jıi qozǵalatyn taqyryp bolyp sanalady. «Men de qazaq tiliniń janashyrymyn. Negizi, qazirgi kezde respýblıka boıynsha qazaq tildi jáne aralas mektepterde memlekettik tilde bilim alatyn oqýshylardyń sany barlyq balalardyń 71 paıyzyn qurap otyr. Bul málimetti Statıstıka agenttigi de rastap otyr. Jaqynda agenttik Qazaqstan halqynyń 17 mln. 100 myńnan asqandyǵyn habarlady. Sonyń ishinde Ońtústik Qazaqstan, Qyzylorda, Jambyl, Almaty oblysy sııaqty qazaqtar kóptep shoǵyrlanǵan aımaqtarda halyqtyń ósimi joǵary bolyp tur. Al elimizde mektep oqýshylarynyń 71 paıyzy memlekettik tilde oqıtyn bolsa, qazaq tiline qaýip tónip tur dep aıtýǵa eshbir negiz joq», - dep atap kórsetti M.Qul-Muhammed.