Qazaq tiline dýblıajdalǵan «Mýlan» anımatsııalyq fılminiń premerasy ótedi
«Mýlan» – qazaq tiline dýblıajdalǵan jáne otandyq kınoprokatqa memlekettik tilde shyǵatyn 35-shi fılm.
Fılmdegi rólderdiń birin qazaqstandyq kaskader, «Nomad Stunts» kaskaderler tobynyń jetekshisi Jaıdarbek Kúnǵojınov somdady.
1998 jylǵy mýltfılmniń remeıki álemdik prokatqa shyqty. Onlaın-kınoteatrlarda qazaq tilindegi fılm erterek shyǵady dep josparlanýda.
Gollıvýd kınostýdııalarynyń otbasymen qaraýǵa arnalǵan fılmderin memlekettik tilge «Bolashaq» korporatıvtik qory men «Meloman» kompanııasy dýblıajdaıdy.
«Disney kınostýdııasymen yntymaqtastyǵymyzdy 2011 jyly bastadyq. Osy jyldar ishinde Disney, Sony Pictures, Marvel, Lucas Films, Bazelevs jáne ózge de stýdııalardyń 35 fılmine dýblıaj jasadyq. Jobanyń arqasynda qazaq tili Disney stýdııasynyń 39-shy tili jáne Sony Pictures stýdııasynyń 7-shi tili boldy. Dýblıaj salasynyń 203 mamany biliktiligin arttyrdy», - dep atap ótti «Bolashaq» korporatıvtik qory Qamqorshylar keńesiniń tóraıymy Dınara Shaıjúnisova,