Qazaq tilindegi baǵdarlamamen jasaqtalǵan ýltradybystyq zertteý apparattaryn óndirý bastaldy

ASTANA. QazAqparat - QR Densaýlyq saqtaý mınıstri Ajar Ǵınııattyń tóraǵalyǵymen ýltradybystyq zertteý apparattaryn óndirý jobasy boıynsha bas dırektor Yong Kwan Kim myrza bastaǵan Samsung Medison (Koreıa Respýblıkasy) kompanııasynyń ókilderimen ekijaqty kezdesý ótti, dep habarlaıdy QR DSM baspasóz qyzmeti.

Samsýng Medıson Ko. LTD – «Samsýng Elektronıks Ko., Ltd» (Samsung Electronics Co., Ltd) enshiles kompanııasy - Ońtústik Koreıadaǵy ýltradybystyq medıtsınalyq dıagnostıkalyq jabdyqtyń óndirýshisi bolyp tabylady.

Ýltradybystyq apparattardy óndirý jónindegi joba «Ordamed» AQ jergilikti óndirýshisiniń alańynda iske qosyldy, onda Samsung Medison kompanııasy akýsherlik jáne gınekologııada uryqtyń ósýin, jaı-kúıin jáne áıelderdiń densaýlyǵyn zertteý úshin paıdalanylatyn jáne dıagnostıkanyń tıimdiligin arttyrýǵa kómektesetin biregeı ınnovatsııalyq tehnologııalar transfertin engizdi. Joba biregeı jáne dıagnostıkalanatyn júıelerdiń baǵdarlamalyq jasaqtamasy memlekettik tilde jasalǵandyǵymen erekshelenedi.

Ajar Ǵınııat óziniń quttyqtaý sózinde QR Densaýlyq saqtaý mınıstrligi deni saý ult, aýyldyq densaýlyq saqtaý, farmatsevtıkalyq jáne medıtsınalyq ónerkásipti damytý jáne basqa da strategııalyq qujattar boıynsha jumys júrgizip jatqanyn atap ótti.

«Medıtsınalyq tehnıkanyń iri halyqaralyq óndirýshilerin tartý sheńberinde Mınıstrlik medıtsınalyq tehnıkamen jaraqtandyrý jónindegi 5 jylǵa arnalǵan Keshendi jospardyń jobasyn ázirledi», - dep atap ótti Mınıstr.

Keńestiń barysynda Ordamed kompanııasy taıaýdaǵy eki jyldyń ishinde medıtsınalyq jabdyqtardyń 70-ten astam túrin óndirýdi bastaý josparlanǵanyn habarlady. Búgingi tańda óndiriletin ónim jelisin keńeıtý úshin (akýsherlik, gınekologııa, ýltradybystyq dıagnostıka, hırýrgııa) Samsung Medison, JW Medical jáne Genoray sııaqty iri koreıalyq kompanııalarmen medıtsınalyq tehnıka óndirisin ornalastyrýǵa sharttar jasaldy.

Almaty qalasynda medıtsınalyq jabdyqtar óndiretin zaýyt salý kózdelgen, qurylystyń birinshi kezeńinde ınvestıtsııalar 1,3 mlrd. teńgeden asady jáne 50-den astam turaqty jumys ornyn ashady. Zaýyt jobalyq qýatqa shyqqan kezde jumys oryndarynyń sany 150-den astam bolýy múmkin.

«Ótken KIHE Qazaqstandyq halyqaralyq kórmesinde 2023 jylǵy 15 mamyrda Almaty qalasynda baǵdarlamalyq jasaqtamaǵa qazaq tilin engize otyryp, alǵashqy ýltradybystyq dıagnostıka apparaty tanystyryldy», - dedi Ordamed kompanııasynyń ókili.

Eki jaqty kezdesýdiń qorytyndysy boıynsha Ajar Ǵınııat áriptesterine jemisti jumysy úshin alǵys aıtyp, jobanyń biregeıligi jáne odan ári birlesken is-sharalarda yntymaqtastyq qajettiligi týraly atap ótti.