Qazaq tilindegi 4000 kitapty oqýǵa múmkindik beretin uıaly qosymsha paıda boldy
Elektrondy jınaq «WikiBilim» QQ damytyp jatqan «Qazaqstannyń Ashyq kitaphanasy» atty onlaın-jobasy negizinde júzege asyrylyp otyr.
Joba avtorlary Qazaqstannyń mádenı murasynyń mýltımedıalyq toptamasyn sandyq formatta qoljetimdi etý arqyly ulttyq ádebıet, ǵylym, mádenıetke qatysty týyndylardy jınaqtaý jáne avtorlyq quqyqty saqtaı otyryp, kópshilik arasynda taratýdy maqsat tutqan.
Qazirgi tańda Qazaqstannyń «kitap.kz» ashyq kitaphanasy qazaq mádenıetimen baılanysty týyndylardyń eń tolyq elektrondyq toptamasyn, sondaı-aq, álemdik kórkem jáne ǵylymı-kópshilik ádebıet týyndylarynyń qazaq tiline aýdarylǵan jınaǵyn usynyp otyr.
Qazaqstannyń «kitap.kz» Ashyq kitaphanasy 2012 jyly iske qosylyp, qazirgi tańda onyń qoldanýshylar sany udaıy ósip keledi. Kúndelikti saıtqa 2500-den asa oqyrman kiredi.
«Qazaqstannyń Ashyq kitaphanasynda» 500-den asa avtordyń 4000-ǵa jýyq kitaby jınaqtalyp, www.kitap.kz saıtyna shyǵarylǵan. Jobaǵa Іlııas Jansúgirov, Sáken Seıfýllın, Muhtar Áýezov, Ǵabıden Mustafın, Qasym Amanjolov, Baýyrjan Momyshuly, Zeıin Shashkın, Juban Moldaǵalıev, Qalıjan Bekhojın, Saǵı Jıenbaev, Ǵafý Qaıyrbekov, Muqaǵalı Maqataev, Safýan Shaımerdenov, Zeınolla Qabdolov, Qaltaı Muhamedjanov, Sáken Júnisov, Sáýirbek Baqbergenov sekildi avtorlardyń muragerleri alǵashqylardyń biri bolyp qoldaý kórsetti. Sonymen qatar, toptamanyń tolyq jumys jasaýyna qazaq jazýshylary Ábish Kekilbaev, Muhtar Shahanov, Sofy Smataev, Qabdesh Jumadilov, Sherhan Murtaza, Tólen Ábdikov, Dýlat Isabekov óz úlesterin qosty.
«Qazaqstannyń Ashyq kitaphanasy» jalpy mádenıetke degen kózqarasymyzdy ózgertip otyr. Joba keń oqyrman qaýymyna ádebıet týyndylaryna turaqty túrde qol jetkizýge múmkindik beredi. Qoǵamnyń mádenıetke degen qyzyǵýshylyǵy kúnnen kúnge artyp kele jatqanyna biz kýámiz. Óz tarapymyzdan biz elimizdiń mádenı murasyn bir jerge shoǵyrlandyrý úshin aıanbaı eńbek etip kelemiz», - dedi WikiBilim QQ qamqorshylar keńesiniń múshesi Nartaı Áshim.
«Ksell» kompanııasy kópshilik oqyrmandar aldynda qazaq tilindegi jarqyn ádebıet álemine esik ashý úshin www.kitap.kz saıtynda jınaqtalǵan kitaptardy beıimdep, olardy smartfondarda oqýǵa bolatyndaı uıaly formatqa aýdarýǵa kómektesti.
Uıaly qosymsha Android jáne iOS júıelerinde qoljetimdi.
«Memlekettik tildi damytýǵa arnalǵan jobalar «Ksell» kompanııasynyń korporatıvtik áleýmettik jaýapkershiliginde basty oryn alyp otyrǵan máselelerdiń biri. Naryqtyń kóshbasshysy retinde biz memlekettik tildegi eń úlken onlaın-kitaphanalardyń birine smartfondar arqyly kirýge jaǵdaı jasaýdy kózdep otyrmyz. Qazirgi tańda qazaqstandyqtardyń 40%-ǵa jýyǵy smartfondardy qoldanady. Biz osy qosymshany qoldanýshylardyń barlyǵyna tegin usynyp otyrmyz. Bul joba oqyrmandarynyń sanyn barynsha keńeıtpek. Kitap uıaly qosymshasy qazaq tilindegi kitaptarǵa qyzyǵýshylyqty arttyryp, jalpy memlekettik tilde qalam tartyp júrgen jańa beldi jazýshylardyń paıda bolýyna jáne ádebıettiń damýyna septigin tıgizedi dep úmittenemiz», - dep atap ótti «Ksell» AQ bas atqarýshy dırektory Artı Ots.