Qazaq tilindegi 100 oqýlyq jobasyna sheteldegi qazaq ǵalymdary qyzyǵýshylyq tanytýda
«Qazir «Jańa gýmanıtarlyq bilim, qazaq tilindegi jańa 100 oqýlyq» jobasy qolǵa alynýda. Bul jobaǵa qatysýǵa biz, sheteldegi qazaq ǵalymdary zor qyzyǵýshylyq tanytyp otyrmyz. Sebebi bilimimiz ben tájirıbemizdi qazaq eliniń ıgiligi úshin jaratý biz úshin zor mártebe. Qazaqstan latynshaǵa kóshkennen keıin buryn krıllıtsa men tóte jazýmen shyqqan qundy dúnıeler latyn álipbıinde basylyp, bárimizdiń ortaq qazynamyzǵa aınalady degen úmittemiz», - dedi ol.
Onyń aıtýynsha, álemniń ár túkpirinde turyp jatqan qazaq jastary Internette portaldar ashyp, qazaq tili men tarıhyn, mádenıeti men salt-dástúrine adal qyzmet etýde talpynyp jatyr.
«Solarǵa barynsha qoldaý jasalsa degen tilegim bar. Maǵjan babamyz 1911 jyly bylaı degen edi: «Basqa jurt aspan-kókke asyp jatyr, Kiltin óner-bilim ashyp jatyr. Biri - aı, biri - juldyz, biri kún bop, jaltyrap kókten nuryn shashyp jatyr». Halqymyz bir ǵasyr buryn ózgelerge osylaı qyzyǵa qaraǵan. Qazir basqa elder Qazaqstan týraly osylaı aıtady. Bilimi, ǵylymy alǵa qaraı damý ústindegi Qazaqstan aspan kiltin ashyp jatqandaı kúıge jettik», - dedi Kesıjı Ózgejan.