Qazaq tilin úırengisi keletinderdi oqytýǵa daıynmyn – Alena Gerasımova

NUR-SULTAN. QazAqparat – SQO Ǵ. Músirepov atyndaǵy aýdannyń Vozvyshenka orta mektebiniń qazaq tili men ádebıeti, aǵylshyn tili pánderiniń muǵalimi Alena Gerasımova qazaq tiline súıispeshilik oıatqan barlyq adamdarǵa alǵys aıtty, dep habarlaıdy QazAqparat tilshisi.

«Men Soltústik Qazaqstan memlekettik ýnıversıtetin «Qazaq tili men ádebıeti» mamandyǵy boıynsha bitirdim. Qazaq tili óte baı, ári shuraıly til. Qazaq tilin jetik meńgerýimniń arqasynda kóp nársege qol jetkizdim. Men qazaq tilinde sóılegendi unatamyn jáne ony týǵan tilim dep esepteımin», - dedi A. Gerasımova elordada Táýelsizdiktiń 30 jyldyǵy men Alǵys aıtý kúniniń 5 jyldyǵyna arnalǵan dóńgelek ústelde.

Onyń oqýshylary aýdandyq, oblystyq, respýblıkalyq mánerlep oqý saıystaryna, baıqaýlarǵa qatysyp júr.

«Men qazaq tilin úıretken muǵalimderime maǵan bergen bilimderi úshin alǵys aıtqym keledi. Qazaq tili – meıirim men mahabbattyń, meıirbandyqtyń tili. Qazaq tilinde sóıleý degenimiz – ony estý, uǵyný, ózgelermen teń bolý. Men Uly Abaıdyń tilin úırengisi keletinderdiń bárin oqytýǵa daıynmyn. Memlekettik tilge oqýdaǵy, jumystaǵy, qoǵamdyq qyzmettegi múmkindikteri úshin rızamyn. Maǵan qazaq tiline degen súıispenshilikti uıalatqandardyń bárine alǵys aıtamyn!», - deıdi Alena Gerasımova.