Qazaq tilin shettetken BAQ lıtsenzııadan aıyrylady - M. Qul-Muhammed

ASTANA. 11 qarasha. QazAqparat - Memlekettik tilge qatysty «50/50» qaǵıdatyn saqtamaǵan buqaralyq aqparat quraldary lıtsenzııadan aıyrylady. Bul týraly búgin Astanada ótken baspasóz máslıhatynda QR Mádenıet jáne aqparat mınıstri Muhtar Qul-Muhammed málim etti.

Mınıstr atap kórsetkendeı, qazirgi zańnamaǵa sáıkes, Qazaqstandaǵy barlyq buqaralyq aqparat quraldaryna qazaq tildi kontenttiń kólemi 50 paıyz bolýy shart. «Alaıda bul qaǵıdatty ustanbaıtyn BAQ-tar bar. Osy máselege qatysty biz buqaralyq aqparat quraldarynyń jetekshilerin jınap, birneshe kezdesý ótkizgen bolatynbyz. Sońǵy ret 21 qazan kúni júzdestik. Sol kezde olar jeltoqsanǵa deıin bárin rettep qoıamyz dep ýáde berip, ant sýyn ishken», - deıdi M.Qul-Muhammed. Osyǵan oraı, mınıstr zańnamany saqtamaıtyn telearna men basqa da buqaralyq aqparat quraldaryna qatysty tıisti jazalar qoldanylatynyn, tipti lıtsenzııalary qaıtarylatynyn jetkizdi.