Qazaq tilin oqytatyn IT jobalardyń avtorlary «Ahmet Baıtursynuly» tósbelgisimen marapattalady

NUR-SULTAN. QazAqparat – Qazaq tiliniń mərtebesin kóterýde shyǵarmashylyq belsendilik tanytqan tulǵalar endi «Ahmet Baıtursynuly» tósbelgisimen marapattalady. Mundaı usynys engen Úkimet qaýlysy ashyq talqylaýǵa shyǵaryldy, dep habarlaıdy QazAqparat tilshisi.

«Ahmet Baıtursynuly» tósbelgisimen gýmanıtarlyq sala ókilderi, qazaq tiliniń mərtebesin kóterýde shyǵarmashylyq belsendilik tanytqan tulǵalar, qazaq tilin oqytý boıynsha IT jobalardyń avtorlary bolyp sanalatyn bilikti mamandar, sondaı-aq gýmanıtarlyq salada yntymaqtastyqty nyǵaıtýǵa jəne damytýǵa eleýli úles qosqan shetel azamattary da marapattalady.

«Ahmet Baıtursynuly» tósbelgisi sheńber tárizdi dıametri 34 mm bolatyn jezden daıyndalady. Tósbelginiń aldyńǵy betinde (avers) Ahmet Baıtursynuly beınesi bolady. Onyń syrtynda sheńber jıeginde «Ahmet Baıtursynuly» degen shyǵyńqy jazba bederlengen. Jazýdyń eki shetine ulttyq oıý-órnek salynǵan. Tósbelginiń syrt jaǵynyń (revers) ortasynda «Qazaqstan Respýblıkasy» jazýy ornalasqan. Jazýdyń ústińgi jáne astyńǵy bóligine ulttyq oıý ornalastyrylǵan. Tósbelgi eni 26 mm, bıiktigi 22 mm tiktórtburyshty qalypqa bekitiledi», - deligen qujatta.

Eske salaıyq, Ult ustazyny mereıtoıyna oraı Qazaqstan Ulttyq banki «Ahmet Baıtursynuly 150 jyl» monetasyn shyǵarǵan bolatyn.

Sonymen qatar, «Ahań júrip ótken jolmen» ekspedıtsııasynyń nátıjesinde Ázerbaıjan ǵylymı-zertteý ortalyǵynyń muraǵatynan Ahmet Baıtursynulynyń vıdeosy tabyldy.