Qazaq tilin nasıhattaý, jastardy qoldaý – «Ulttyq rýhanı jańǵyrý» jobasynda qandaı jumystar jasalady
«Jaqynda ǵana Memleket basshysy Qasym-Jomart Toqaev 10 ulttyq jobany júzege asyrýǵa qol qoıǵan bolatyn. Sol 10 jobanyń biregeıi – «Ulttyq rýhanı jańǵyrý» jobasy. Bul jobanyń negizgi maqsaty – qazirgi ýaqyttaǵy mádenı biregeılikti jáne mádenı ónimderdi yntalandyrý. Basqa sózben aıtqanda, qazirgi qazaqstandyqtardyń kórkemdik-shyǵarmashylyq áleýetin arttyrý jáne jas urpaqtyń boıynda rýhanı-adamgershilik qundylyqtardy qalyptastyrý. Bul maqsatta negizinen joba boıynsha birneshe baǵytta jumys isteý kózdelip otyr. Onyń biri – memlekettik tildi damytýǵa jaǵdaı jasaý, sonymen qatar otandyq mádenıet ónimin tanymal etý jáne eń basty baǵyttardyń biri – jastar úshin jańa múmkindikterdi damytý. ıAǵnı jastardy áleýmettendirý men jumysqa ornalastyrý máseleleri de osy turǵyda qarastyrylatyn bolady», - dedi Q. Maıgeldınov agenttik tilshisine bergen suhbatynda.
Onyń aıtýynsha, jalpy memlekettik tildi damytýǵa baılanysty qazaq tiliniń aýqymyn keńeıtý úshin jasalatyn naqty sharalar men kórsetkishter qarastyrylatyn bolady. Nátıjesinde 2025 jylǵa deıin jyl saıyn birneshe baǵyt boıynsha jumystar atqarylmaq.
Ásirese jańartylǵan oqý baǵdarlamalarynyń úlesi, tehnıkalyq-kásiptik bilim berý jáne joǵarǵy oqý oryndarynda qazaq tilinde shyǵarylatyn oqýlyqtardyń sapasyn arttyrý jáne sol oqýlyqtarmen qamtamasyz etý, oǵan qosa latyn grafıkasyndaǵy álipbıdi paıdalanatyn jazbasha kommýnıkatsııaǵa qatysýshylardyń úlesin arttyrý syndy baǵyttar qolǵa alynady.
«Ekinshi baǵyt – «El rýhy» dep atalady. Bul baǵytta qoıylatyn negizgi mindetter – mádenıet salasyndaǵy qoljetimdilik pen sapany arttyrý. ıAǵnı, qazirgi ýaqyttaǵy mádenıet salasyndaǵy otandyq tsıfrlyq resýrstarǵa kirý sanyn ulǵaıtý, sol arqyly jalpy qazaq mádenıetin, ulttyq mádenıetimizdi dáripteýge barynsha úles qosý kózdelip otyr.
Odan keıingi baǵyt – otandyq mádenı ónimderdi nasıhattaý. Ózderińiz bilesizder, qazir aqparattyq qoǵamda ómir súrip jatqandyqtan, zaman talabyna saı, sapaly qazaq tilindegi kontenttiń artýyna suranys bar. Soǵan baıldanysty, mysaly jasóspirimder arasyndaǵy jańa otandyq anımatsııalyq fılmder túsirý, onyń sanyn arttyrý oǵan qosa eń bastysy qazaqstandyq kınoprokat bar. Osy shyǵarmashylyq jobalardy meılinshe kóbeıtýge jáne onyń sapasyn arttyrýǵa baǵyttalǵan jumystar», - dep túsindirdi Q. Maıgeldınov.
Sonymen birge, jobadaǵy eń basty baǵyttardyń biri – «Táýelsizdik urpaqtary» dep atalady. Munda jastar úshin jańa múmkindikterdi jasaýǵa qoıylatyn birneshe kórsetkishter kózdelip otyr. ıAǵnı, jastardy turǵyn úı jınaqtaý júıesimen qamtý, olardy áleýmettik qyzmet kórsetýmen qamtý, startap jobalaryna qoldaý kórsetý syndy baǵyttar qarastyrylady.
«Jalpy aıtqanda «Ulttyq rýhanı jańǵyrý» jobasynan kútiletin áleýmettik jáne ekonomıkalyq áser mol. Bıyl qabyldanǵan 10 ulttyq jobanyń taǵy bir basymdyǵy – árbir tıesili mınıstrlikter óz ulttyq jobasy boıynsha, árbir kórsetkishter, baǵyttar boıynsha tikeleı jaýapty bolady. Vıtse-mınıstrler men oblystardyń, megapolısterdiń ákimderiniń orynbasarlary jaýap beredi. Bıýdjetten bólinetin qarjylyq máseleler de, olardyń ıgerilýi – barlyǵy ashyq túrde iske asyrylatyn bolady», - dedi Qazbek Maıgeldınov.
Aıta keteıik, QR Prezıdenti Jarlyǵymen «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy bekitilgen bolatyn. Joba 5 baǵyttan turady jáne 6 negizgi mindet pen 13 kórsetkish aıqyndalǵan.