Qazaq tilin memlekettik til dárejesine kóterý úshin arnaıy kýrstar men oqytý ortalyqtaryn ashý azdyq etedi - Til komıtetiniń tóraǵasy

sp;ASTANA. Qarashanyń 24-i. QazAqparat /Arman Asqarov/ - Qazaq tilin oqytý jumysyn úzbeı júrgizý qajet. Búgin Astanada bastalǵan «Til men ádebıetti oqytýdyń teorııasy men ádistemesindegi ınnovatsııalyq tehnologııalar: máseleler jáne damý joldary» taqyrybyndaǵy Halyqaralyq ǵylymı-tájirıbelik konferentsııada QR Mádenıet jáne aqparat mınıstrligi Til komıtetiniń tóraǵasy Erbol Sháımerden osylaı  atap  ótti,

dep habarlaıdy QazAqparat.

«Halyqaralyq tájirıbe kórsetip otyrǵandaı, qazaq tilin memlekettik til dárejesine kóterý úshin arnaıy kýrstar men oqytý ortalyqtaryn ashý azdyq etedi. Bul jumysty balabaqshadan bastap joǵary oqý ornyna deıin úzbeı júrgizý qajet. Sondyqtan arnaıy birizdi baǵdarlama ázirlenýi shart. Osyǵan oraı joǵary oqý ornyn bitirgen jastarǵa qazaq tilindegi sózderdiń sanyn bilýge qatysty  naqty talap qoıylýy shart. Bizdiń zertteýimiz boıynsha, joǵary oqý ornynda bilim alyp júrgen jastar kúnine eki-úsh sózden úırengen kezde, oqýdy aıaqtaǵanda qazaq tilinde erkin sóıleýge múmkindik beretin sózdik qoryn jınaı alady»,  deıdi E. Sháımerden.