Qazaq tilin bilmeıtin jarty mıllıon oqýshyny jańa ádispen úıretemiz - Saǵadıev

ASTANA. QazAqparat - Qazaq tilin úırenýdiń jańa ádistemesi ázirlendi. Bıyldan bastap memlekettik tildi bilmeıtin mektep oqýshylary atalǵan ádisteme boıynsha til úırenedi, dep habarlaıdy QazAqparat tilshisi.

«Búginde qazaq balalarynyń 90 paıyzy mektepte óz tilinde bilim alady. Bıyl ulttyq biryńǵaı testileýge qatysqan túlekterdiń 76 paıyzy testti qazaq tilinde tapsyrdy. Ol - óte jaqsy kórsetkish. Endi, basa nazar aýdaratyn problemalardyń biri - orys mektepterinde oqıtyn 500 myńǵa jýyq oqýshy qazaq tilinde sóılemeıdi. Iá, ádistemeniń durys emes ekenin jaqsy bilemiz. Degenmen, jańa ádisteme daıyn. Bıyl biz ony eksperımenttik negizde sol mektepterge taratamyz», - dedi QR Bilim jáne ǵylym mınıstri Erlan Saǵadıev búgin Úkimette ótken baspasóz máslıhatynda.

Mınıstrdiń aıtýynsha, qazirgi kezde myńnan astam mektep til ustartýdyń jańa ádistemesine tapsyrys berip otyr. Atalǵan júıe sátti iske assa, onymen barlyq mektepter jumys isteıtin bolady.

«Jańa ádisteme balanyń kommýnıkatıvti qabiletin damytýdy kózdeıdi. Ondaıda sózderdi jaı jattatqyzyp qana qoımaı, sóıleý arqyly tildi úırenýge bolady. Atalǵan ádistemeni Ahmet Baıtursynov pen Shaısultan Shaıahmetov atyndaǵy oqý-ádistemelik ortalyqtary daıyndady», - dep atap kórsetti Saǵadıev.